سلسلة تطبيقات الأندرويد

تعرف على 10 أفضل التطبيقات المفيدة للحياة اليومية 2022.

كلنا عندنا ضغوطات حياة ومسؤليات كتيرة ومحتاجين اللي يخفف عننا أو اللي يساعدنا في توفير طاقتنا ، وعلشان كدة هعرفك على أفضل التطبيقات المفيدة للحياة اليومية اللي تنزلها من متجر بلاي بمنتهي السهولة.

وظيفتها في موبايلك هتوفر طاقة وهتنظم وقتك وهتعلمك عادات أحسن وهتذكرك بمواعيدك باختصار هي موجودة علشان تجيب لك السعادة بشكل معين من الأشكال.

و أغلبية التطبيقات ده بتبقا واخدة مساحة قليلة في موبايلك وبتشتغل بشكل منتظم وعلى حسب ما أنت عاوز ، وعلشان كل المميزات ده هعرفك على أفضل 10 تطبيقات مفيدة لحياتك اليومية.

1- تطبيق كورتانا Cortana.

التطبيق ده جميل أوي ويا بخته اللي هينزله ، هو كله مميزات لصاحبه ومهما أقول مش هديله حقه ، تقدر تدون فيه كل الأنت عاوزه ملاحظات في الشغل أو ملاحظات في أي حطة.

أو حاجة عاوز تشتريها في ميعاد معين أو طلب عاوز تجيبه هو كل اللي عليه أنه يفكرك بالميعاد ده وكمان يقدر يتنبأ بالتغيرات الجوية اللي ممكن تحصل ويعرفك الأخبار والظروف في البلد.

ومش بس كدة كمان ده بيشتغل تبعا للأماكن والمواقع اللي أنت بتروحها ، يعني لو مرت من جمب محل صيانة موبايلات هتلاقي بيرن لوحده يفكرك تدخل المحل وتصلح موبايلك.

علشان تنزله محتاج بس منك تسجل دخول في ميكروسوفت وتنزله ، وطبعاً أنت اللي بتظبطه على الميعاد اللي هيفكرك بيه ، ولو عاوزه بشكل أسبوعي أو يومي أو حتي شهري هو بيرن في الميعاد اللي بتحدده.

للدخول علي رابط تحميل من اللينك التالى

2-تطبيق بوكيت Pocket.

تعرف على 10 أفضل التطبيقات المفيدة للحياة اليومية 2022. 1
تعرف على 10 أفضل التطبيقات المفيدة للحياة اليومية 2022.

مين منا مدخلش وقرأ مقالة أو رواية أو اتفرجت علي فيديو على النت مرة من المرات وبعد كدة طلع منها ، ورجع يدور عليه ملقهوش ده حتى لو مرة من المرات.

التطبيق ده اتعمل مخصوص علشان يجمع لك كل المقالات واللي حاجات اللي بتقرأها في أي موقع علشان لو في يوم احتاجتها تلاقيها.

وكمان بيعرفك من خلال اللي بتابعه أيه المقالات والفيديوهات اللي بتحبها واللي تناسبك ، و بيسمح لك بقراءة كل المقالات في حالة عدم الاتصال بالإنترنت اللي اتخزنت في التطبيق والأنت قرأتها في حالة الاتصال بالإنترنت.

للدخول علي رابط تحميل من اللينك التالى

3-تطبيق ليفت Lift.

تعرف على 10 أفضل التطبيقات المفيدة للحياة اليومية 2022. 2
تعرف على 10 أفضل التطبيقات المفيدة للحياة اليومية 2022.

من التطبيقات المحببة لقلبي بصراحة التطبيق ده أرشحه أكتر لأي واحد عاوز يغير من عاداته القديمة ويتبع عادات جديدة ، ومناسب أكتر للياقة البدنية زي مثلاً لو أنت عاوز تخس وهتتبع نظام غذائي للتخسيس نزله فوراً.

لما تفتح التطبيق هيطلب منك تحقيق هدفك اللي نزلته علشانه ، أكتب الهدف بتاعك وبعدها دخل الآليات اللي تحقق هدفك بشكل وقتي منتظم.

التطبيق بيقدر يعرف ويحدد عدد المرات المفروض تؤدي بها المهمة أو العادة الجديدة في فترة معينة من الوقت ، وكمان بيخلي غيرك من مستخدميه يعرفوا تطوراتك وكام مرة قدرت تمارس فيها عادتك الجديدة والمستوي الأنت وصلته.

يا حظك الحلو لو كان موبايلك آندرويد و آبل هتقدر تستخدم برنامج ده بالمجاني وعلي أي متصفح.

للدخول علي رابط تحميل من اللينك التالى

4- تطبيق بالانسد Balanced.

لو حياتك كلها عادات غلط في غلط وعايز تطبيق يقترح عليك عادات جديدة يبقا التطبيق ده هو الأنسب ليك ، هيقدم لك 50 عادة جديدة وأنت تختار العادة اللي عاوز تواظب عليها أو تقترح عادات مش موجودة في التطبيق.

بس عيبه أنه مينفعش يخليك تواظب على أكتر من عادة واحدة ، هو عادة واحدة بس كفاية وهتبقا كل مهمة البرنامج ده أنه يخليك تواظب على العادة ده.

التطبيق مجاني لمستخدمين موبايل من نوع آبل.

للدخول علي رابط تحميل من اللينك التالى

5- تطبيق Wallet.

لو بتشتغل أو أنت رب منزل وبيطلب منك تدفع فلوس لمدارس ولادك ومصاريف بيتك وكمان شحن عربيتك وغيره ، أكيد هتلاقي فلوس زادت وفلوس نقصت وعاوز تحسب اللي معاك على اللي بيطلع منك.

تطبيق Wallet كويس أوي علشانك وهو أحسن تطبيقات إدارة الأموال ، هيقدر يحسب لك كل الفلوس اللي بتيجي من الصراف الآلي وفواتير موبايلك وحساباتك من البنك والفلوس المحولة إليك في رسائل SMS في الموبايل والبريد.

ويتم جمع الايصالات والفواتير والأرقام المحولة إليك وتذاكر السفر ويتابع بطاقة الائتمان وكل ذلك بشكل آمن.

للدخول علي رابط تحميل من اللينك التالى

6-تطبيق SHAREit.

طبعاً التطبيق ده غني بالتعريف حتى لو مش بتستعمله أكيد سمعت عنه ، التطبيق ده بيسمح لك بنقل الملفات الكبيرة والصور والفيديوهات من موبايلك لموبايل أصحابك وبسرعة كبيرة.

وأكثر حاجة بتميزه أنه بينقل ملفات ضخمة من موبايل لموبايل تاني بسهولة حتى أنه يقدر ينقل فيلم سعته 1جيجابايت في ثواني ، وده اللي خلي أكتر من مليار واحد يستخدمه.

بيشتغل التطبيق على أنظمة كتيرة للموبايلات زي Android و Windows و iOS ، العيب الوحيد في التطبيق كترة الإعلانات فيه وممكن تستبدله بتطبيق XENDER. Xender وهو بنفس استخدامات SHEREit ولكن مفيهوش إعلانات.

للدخول علي رابط تحميل من اللينك التالى

7-تطبيق Rescue Time.

تعرف على 10 أفضل التطبيقات المفيدة للحياة اليومية 2022. 3
تعرف على 10 أفضل التطبيقات المفيدة للحياة اليومية 2022.

تطبيق جيد بيحافظ على الوقت ، بيرسل لك تقارير كل أسبوع بالوقت اللي بتقضيه في المتصفحات والمواقع اللي دخلتها وضيعت وقتك فيها ، علشان يخليك تنظم وقتك وتقلل من دخولك المواقع ده أو تبطل تدخلها خالص.

وبينبهك وكمان بيعرض عليك أفكار وخطط تخلص بها مهامك بشكل أسرع وأكفأ.

للدخول علي رابط تحميل من اللينك التالى

8- تطبيق دولينغو Duolingo.

تطبيق ممتع ومفيد فوق الوصف وله شعبية كبيرة جداً ، لو عايز تتعلم لغة كويسة أو عندك لغة وعاوز تحسن منها يبقا التطبيق ده المناسب لك.

بعيد عن أنه مفيد هو ممتع وبيحسسك أنك في لعبة منها بتحسن وبتتعلم لغة ومنها بتستمتع وبتبسط نفسك ، وده علشان بيسألك في كل مرحلة مجموعة أسالة ويديلك اختيارات وأنت تختار الصح منها.

وكمان بيقدم لك صور وأشكال وأنت تجمعهم وكمان ترد على الأوامر الصوتية ، وبيخليك تعرف النطق الصحيح للكلمات وتكوين الجمل وغيره.

موجود التطبيق بنسخة مجانية وبرده له نسخة بفلوس على خدمة بريميوم Premium.

للدخول علي رابط تحميل من اللينك التالى

9- تطبيق Super Simple Sleep Timer.

التطبيق ده معمول علشان يوفر لك وقت 25 دقيقة للرفاهية ويساعدك على النوم ، فلو أنت بتشتغل وعاوز تأخد راحة من شغلك 25 دقيقة تسمع فيهم موسيقي أو تقرأ آيات قرآنية نزله وشغله عندك.

هتلاقي بعد ما تخلص الخمسة وعشرون دقيقة ملفات الموسيقي اللي بتسمعها بتوقف لوحدها أتوماتيكي ، والتطبيق بينبهك أن ال25 دقيقة راحة خلصوا.

وكمان تقدر تستعمله قبل النوم تسمع موسيقي هادئة علشان تعرف تنام لمدة 25 دقيقة وبعد ما يخلصوا تنام.

للدخول علي رابط تحميل من اللينك التالى

10- تطبيق 7Minute Work out.

التطبيق ده بقا مفروض يبقا في كل جهاز موبايل ، وده علشان بيخليك تمارس الرياضة سبع دقائق في اليوم .

بس أنا شايفة أنه مناسب أكتر للناس اللي طول الوقت مشغولة وبتشتغل ، وده علشان الناس المشغولة لازم تخصص وقت للرياضة في اليوم حتى لو كان الوقت ده 7 دقائق.

اتحمل التطبيق أكتر من 50 مليون مرة ، ومتقيم بعلامة 4,5 من 5 وده علامة مميزة و كبيرة جداً.

للدخول علي رابط تحميل من اللينك التالى

كيفية تثبيت التطبيقات من متجر جوجل بلاي.

تعرف على 10 أفضل التطبيقات المفيدة للحياة اليومية 2022. 4
متجر جوجل بلاي Google Play.

اتعرفنا على التطبيقات جه الوقت تعرف تنزلها ازاي ، لما تسمع كلمة تنزيل تطبيقات أول حاجة هتيجي في دماغك هو متجر جوجل بلاي Google Play ، وعلشان تنزل التطبيق من متجر بلاي امشي وراء الخطوات ده :

  1. أدخل على متجر بلاي وإنشاء إيميل جيميل Gmail جديد عليه ده لو مكنتش مسجل دخول عليه.
  2. دوس على مربع النص اللي فوق وأكتب اسم تطبيق اللي بتدور عليه.
  3. دوس على أيقونة صورته وأدخل عليه ده في حالة لو لقيت التطبيق.
  4. أو دوس علي النتائج ودور فيهم على التطبيق ده في حالة لو ملقتش التطبيق.

وبكدة يا اصدقائي نكون وصلنا لنهاية مقال اليوم بخصوص 10 أفضل التطبيقات المفيدة للحياة اليومية 2022 ، اذا واجهتك اي مشكلة يمكنك التواصل معنا عبر التعليقات.

فيديو مقترح من قناتنا علي اليوتيوب

بلغ عن رابط لا يعمل او مشكلة تواجهها

وبكدة يا اصدقائي نكون وصلنا لنهاية مقال اليوم بخصوص 10 طرق لحل مشكلة عدم اتصال هاتفك الأندرويد بالكمبيوتر. ، اذا واجهتك اي مشكلة يمكنك التواصل معنا عبر التعليقات .

قد يعجبك ايضا :-

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى