ابحث في الموقع

تابعنا على جوجل نيوز

تحميل لعبة One Piece – تحميل اقوي العاب الانمي للاندرويد .

تحميل لعبة One Piece – تحميل اقوي العاب الانمي للاندرويد .
قيم المقال

تحميل لعبة One Piece – تحميل اقوي العاب الانمي للاندرويد هو عنوان مقالنا لهذا اليوم واللي بنقدملكم من خلاله واحدة من اروع واقوي العاب الانمي والمقتبسة من الانمي الشهير ون بيس فلو انت من عشاق العاب الانمي فتاكد انك تكمل معانا المقال للنهاية .

تحميل لعبة One Piece – تحميل اقوي العاب الانمي للاندرويد .

طبعا يا اصدقائي من المعروف ان غالبية الافلام الشهيرة او المسلسلات الشهيرة بيتم انتاج العاب مبنية علي قصتها والكلام ده اتكرر كتير جدا بداية من اقدم افلام الكارتون زي كابتن ماجد مثلا او توم وجيري وحتي مع احدث الافلام والمسلسلات الجديدة زي ون بيس و سباريد مان وباتمان وغيرهم من افلام ومسلسلات الانمي الحديثة .

معلومات لعبة One Piece .

لعبة ون بيس من العاب الانمي اللي انتشرت بشكل كبير في الفترة الاخيرة واتكلم عنها الكثير من صناع المحتوي علي اليوتيوب لكن للاسف للعبة باصدارها الاصلي مش متوفرة علي المتاجر المشهورة زي متجر جوجل بلاي او اب ستور لكن لو دورت علي المتجر هتلاقي اكتر من اصدار ولكن اصدارات ضعيفة جدا باحجام صغيرة اما الاصدار الاساسي متوفر علي متجر الالعاب الصيني الشهير تاب تاب وكمان موجود علي كام متجر تاني زي اب تو دون مثلا .

كمان من اكبر المشاكل اللي هتواجهك في اللعبة يا صديقي هي اللغة الصينية لان اللعبة لسه مش متوفر منها اصدار جلوبال وبالتالي هتحتاج شوية وقت عشان تعرف تفهم اللعبة وتنفذ فيها المهمات بشكل صحيح ، اما حجم اللعبة يا اصدقائي فهو حوالي 4 جيجا سواء حجم اللعبة الاصلي او حجم الملفات اللي اللعبة هتحملها بعد تثبيتها .

اللعبة بتتميز بجيرافيك مميز جدا في الحقيقة كانك بتتفرج علي مسلسل ون بيس مع جودة صوت مميزة جدا بالذات ان اللعبة بتستخدم نفس الصوتيات الاصلية اللي كانت موجودة في مسلسل ون بيس والحقيقة ده طبيعي يعني لعبة داخلة علي 4 جيجا فلازم يكون الجيرافيك والصوتيات اللي فيها مميزة .

اللعبة في الفترة الحالية متوفرة لهواتف الاندرويد فقط ده بالنسبة للاصدار الاساسي اللي هو One Piece: Fighting Path لكن ممكن تلاقي للايفون اي اصدار من الاصدارات الضعيفة اللي اتكلمنا عنها في بداية المقال لكن احنا بنامل بعد الشهرة الكبيرة اللي اللعبة حصلت عليها ان ينزل منها اصدار جلوبال ويكون متوفر علي متجر جوجل بلاي واب ستور .

قصة لعبة One Piece .

اما عن قصة اللعبة يا اصدقائي فهي مبنية علي الانمي الشهير ون بيس واللي هي عبارة عن مجموعة من الشخصيات الاسطورية زي لوفي وزورو ونامي اللي كانوا موجودين في الانمي وبتبدء قصة اللعبة مع خروج لوفي من قريته اللي كانت باسم Foosha Village في محاولة انه يصبح زعيم القراصنة واول شخصية بيقابلها هي شخصية كوبي .

المهم يا اصدقائي عشان بطلنا لوفي يثبت نفسه وانه قادر علي السيطرة علي القراصنة ويبقي زعيم عليهم لازم يقاتل ضد مجموعات من Alvida واشهرهم طبعا الزعيمة الشريرة المشهورة واللي كان ليها دور كبير في مسلسل الانمي ولازم تتغلب عليها ولكن خد بالك لانها قوية جدا ولازم تستخدم مهاراتك كلها ضدها عشان تقدر انك تتغلب عليها .

شرح التحكم في لعبة One Piece .

بالنسبة للتحكم في لعبة ون بيس فهي زي غالبية العاب الحروب الحركة شمال ويمين موجودة علي الشمال وزرار الضرب والمهارات موجودة علي اليمين وطبعا كل مكان البطل اللي معاك مستواه اعلي كل مكانت مهاراته اكتر واكتر قوة كمان في بعض المهمات بتقدر انك تفعل القتال الالي بمعني انك بتضغط علي زرار القتال الالي والبطل بتاعك بقاتل الخصوم لوحده ويخصلصلك المهمة .

مهمات لعبة One Piece .

اكتر حاجة هتلفت انتباهك في اللعبة هي كمية المهمات الكبيرة جدا المطالب بتنفيذها يعني مثلا هتلاحظ ان في مهمات عادية للعبة زي الهجوم علي اماكن محددة ولو دخلت كلان اللي هو زي العشيرة كدة في ببجي موبايل هتلاقي هناك برضه مهمات لازم تخلصها لما تتمرس شوية في اللعبة وتعرف توصل للسفينة هتلاقي فيها مهمات هي كمان زي صناعة الاكل او تدريب الشخصيات اللي معاك .

مشاكل لعبة One Piece .

  • صعوبة تحميل اللعبة لعدم توفرها علي المتاجر الرسمية .
  • عدم توفر اللغة العربية او حتي الانجليزية في اللعبة (الصينية فقط) .
  • صعوبة التسجيل في اللعبة في بعض الاحيان بسبب انهم بيقفلوا التسجيل اثناء صيانة اللعبة .

بعض الصور من لعبة One Piece .

روابط تحميل لعبة One Piece .

فيديو مقترح من قناتنا علي اليوتيوب

بلغ عن رابط لا يعمل او مشكلة تواجهها

وبكدة يا اصدقائي نكون وصلنا لنهاية مقال اليوم بخصوص تحميل لعبة One Piece – تحميل اقوي العاب الانمي للاندرويد ، اذا واجهتك اي مشكلة يمكنك التواصل معنا عبر التعليقات .

مقالات مميزة أكيد هتعجبك .

تعليقات (0)

إغلاق
انضم الى قناه التلجرام
اشترك معنا نعم لا