حل مشاكل

10 طرق لحل مشكله توقف التطبيقات عن العمل فى الاندرويد 2022

النهاردة هعرفكم 10 طرق لحل مشكلة بتواجه ناس كتيرة وأنا واحد منهم، وهي أنك تبقا ماسك موبايلك وفاتح برنامج وشغال عليه ومرة واحد يقف ويطلعك برة (توقف التطبيقات عن العمل).

طب ليه أصلاً البرامج ده بتقف لوحدها وازاي برامج بتقدم ليا خدمات ممتازة ومتصممة حلو أوي كدة تقف مرة واحدة، ده علشان البرامج ده مفيهاش تطور كبير ومين منا مش بتجيله إشارة تعذر توقف استخدام التطبيق كلنا وفي كل برامج الأندرويد.

متقولش أن مشكلة ده مواجهتكش قبل كدة وبالزات لو موبايلك أندرويد ، وعلشان كدا وفرنالك 10 حلول لعلاج مشكلة توقيف تطبيقاتك اللى الناس بتستعملها كتير.

1-إعادة تشغيل موبايلك Reset لحل مشكله توقف التطبيقات.

وكلنا عملنا الطريقة ده لوحدنا ، مين فينا لما أتوقف برنامج عنده مقفلش الموبايل وفتحه تاني ، بصراحة الطريقة ده رخمة أوي مش هينفع كل ما تطبيق أندرويد يقفل فجاءة نروح نقفل ونفتح في الموبايل.

بس بتجيب نتيجة سريعة وفعلية ولكن بنسبة قليلة 30٪ ومش في كل التطبيقات ، بس لو مجابتش معاك نتيجة جرب طريقة تانية من الطرق اللي هعرضها عليك.

ولكن الطريقه دى فعلا ممكن تكون هيا الحل المثالى لحل مشكله توقف التطبيقات فلازم تجربها قبل اى حاجه , فانا بنصحك انك قبل م تفكر فى اى حل لأى مشكله على موبايلك تقفل الموبايل وتفتحه تانى .

2-معرفة عدد استهلاك تطبيقات الأندرويد لرامات Ram هاتفك.

في كتير تطبيقات أندرويد بتحتاج طاقة ومساحة كبيرة وده من أهم الأسباب اللي بتخلي التطبيق يقف مرة واحدة، حاول تبعد عنها وتنزل البرامج اللي راماتها قليلة.

كمان لما تلاقي تطبيق أندرويد وقف مرة واحدة ، ادخل عندك علي الإعدادات على الذاكرة العشوائية ومش الداخلية وأعرف بقا التطبيق اللي وقف ده مستهلك كام رام.

3-احذف الذاكرة المؤقتة للتطبيق RAM.

كل تطبيق أندرويد على موبايلك له ذاكرة مؤقتة ، سهل الوصول لها من إعدادات موبايلك ، بتحفظ تطبيقات كتيرة كم كبير من البيانات وبتخزنه عندها في الذاكرة المؤقتة.

لما بتبقا البيانات كبيرة في الذاكرة المؤقتة بتخلي التطبيق ميشتغلش زي ما أول ما نزل وكمان بتخليه يقف كذا مرة ويطلعك برة.

كل اللي عليك تدخل الإعدادات وتختار خانة التطبيقات ، وبعدها تدخل التطبيق وتحذف جميع البيانات أو محو ذاكرة التخزين المؤقت .

4- إعادة تشغيل الأنترنت Reboot the net لحل مشكلة توقف التطبيقات عن العمل.

10 طرق لحل مشكله توقف التطبيقات عن العمل فى الاندرويد 2022

أحياناً بتكون المشكلة في تعطيل شبكة الاتصال بالإنترنت أو وقوفها بشكل مؤقت.

وفي الحالة ده كل اللي عليك تعمله تشغل وضع الطيران بشكل مؤقت وتقفل تشغيل البلوتوث وجهاز الراوتر ، وبعدها تفتح الموبايل وتشغل الراوتر و شبكة الاتصال وتفتح التطبيق تاني.

5- تحديث تطبيقات الأندرويد Update all.

الحل ده من أهم وأكفا الحلول اللي بعرضها عليك ، من المعروف أن واحد من الأسباب اللي تخلي تطبيقات الأندرويد تقف مرة واحدة هو أنك مش بتحدث تطبيقاتك. طب إزاي تقدر تحدث التطبيقات ده:

  1. هتدخل علي متجر بلاي عندك ، هتلاقي من فوق تلات نقط أفقية دوس عليهم.
  2. اختار خيار تطبيقاتي والعابي في الاختيارات.
  3. وبعدها اختار Update all وكدة هيتم تحديث كل تطبيقات أو ممكن تحدث برامج معينة أنت عاوزها بس.
  4. تحديث التطبيقات وسيلة من وسائل إنعاش التطبيقات ، واللي بينتج عنه استفادة أكبر من التطبيقات.

6- إعادة ضبط مصنع موبايلك .

الحل ده من أفضل الحلول اللي بتجيب نتيجة سريعة ، بس في الأول لازم تعرف يعني ايه إعادة ظبط المصنع قبل ما تعمل خطوة زي ده ، هيرجع موبايلك جديد زي ما كان لما اشتريته لا عليه تطبيقات ولا العاب.

طيب لو حبيت تعمل خطوة زي ده تعملها ازاي:

  • هتروح تدخل على الاعدادات Settings.
  • وبعد كدة هتدخل على نظام System.
  • وتدوس علي نسخ احتياطي وإعادة تعيين Back up and Reset
  • ممكن يطلب منك الرقم السري أو رقم الPiN للجهاز اكتبه.
  • لازم تتأكد من تفعيلك لاسترداد تلقائي في الاعدادات Autio Resit.
  • وبعد كدة تختار ضبط المصنع و إعادة تعيين الهاتف Phone Reset.
  • وفي الآخر خالص تختار إعادة تشغيل Reboot.

7- إيقاف التطبيقات والألعاب في خلفية الشاشة.

متخليش تطبيقات الأندرويد اللي بتنزلها من متجر بلاي تفضل شغالة في خلفية شاشة الموبايل ، ادخل على الاعدادات ومنها ادخل علي التطبيقات أو مدير التطبيقات باختلاف المسميات لكل جهاز وبعدها وقف تشغيل التطبيقات اللي شاغلة في شاشة الموبايل.

بس خلي بالك متخلطش بين كل التطبيقات يعني وقف التطبيقات اللي بتوقف فجأة وأنت منزلها من متجر بلاي ، بس متوقفش طبعا التطبيقات اللي هي أساسية في الموبايل.

8- إعادة تثبيت تطبيقات الأندرويد من جديد.

نزلت شركة جوجل في الفترة الأخيرة تحديث نظام وحش جدا وهو Android System WebView ،التحديث ده وقف تشغيل تطبيقات أندرويد كتيرة بشكل مفاجئ ، وواحد من حلول المشكلة ده تدخل على متجر بلاي وتعيد تثبيت التطبيقات اللي خرجت بشكل مفاجئ. أو فيه حل تاني وهو تلغي التحديثات الجديدة وده من خلال:

  1. تدخل على اعدادات موبايلك وبعدها اختار خانة التطبيقات.
  2. بعدها هتلاقي كل التطبيقات اللي أنت مثبتها وبتدخل عليها.
  3. هتلاقي فوق يمينك تلات نقط أفقية دوس عليهم.
  4. اختار إلغاء تثبيت التحديثات.
  5. اختار موافق في المربع.

9- تنزيل التطبيقات الموافقة لجهازك الأندرويد.

لما تحب تنزل تطبيق مهما كان أي هو أول حاجة تتوجه لها هو متجر بلاي ، بلاش تنزل تطبيقات خارجية خليك في المضمون واللي يحافظ علي جهازك ، وعلشان ناس كتير اشتكت من توقيف تطبيقاتهم كذا مرة بشكل مفاجئ وقالوا أنهم نزلوها من مواقع خارجية بعيدة عن متجر بلاي.

ليه بقولك خليك في متجر بلاي علشان تطبيق ده أمن جداً علي جهازك وكمان بيجيبلك التطبيقات المناسبة والمتوافقة مع جهاز الأندرويد بتاعك ، ده كمان غير أنه بعد ما تثبت التطبيق المش موافق لجهازك من متجر بلاي بيتبعت لك اشعار أن التطبيق ده مش مناسب لجهازك فمش هتعرف تشغله.

10- مزامنة موبايلك مع خوادم جوجل Google.

الطريقة ده أقوي الطرق اللي بتمنع توقيف تطبيقات الأندرويد اللي علي جهازك ، لازم تروح تعمل مزامنة لموبايلك وخادم جوجلGoogle.

وده من خلال شوية خطوات تتبعها:

  1. ادخل علي إعدادات موبايلك وبعدين اختار نظام الأندرويد بتاعك.
  2. حدد الوقت والتاريخ ومتنساش توقف تشغيل المنطقة الزمنية التلقائية.
  3. حدد تاريخ وزمن غير صحيحان.
  4. وأخيراً شغل المنطقة الزمنية المقدمة من الشبكة.

فيديو مقترح من قناتنا علي اليوتيوب

بلغ عن رابط لا يعمل او مشكلة تواجهها

وبكدة يا اصدقائي نكون وصلنا لنهاية مقال اليوم بخصوص 10 طرق لحل مشكله توقف التطبيقات عن العمل فى الاندرويد 2022 ، اذا واجهتك اي مشكلة يمكنك التواصل معنا عبر التعليقات .

قد يعجبك ايضا :-

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى