اخر الاخبار

10 طرق لحل مشكلة عدم اتصال هاتفك الأندرويد بالكمبيوتر.


جربت قبل كدة تنقل معلومات أو ملفات من موبايلك الأندرويد للكمبيوتر والموبايل مظهرش علي الكمبيوتر أو حتى ظهر بس معرفتش تنقل ملفات منه للكمبيوتر ، لو هتكون الإجابة اه يبقا المقالة ده ليك ، علشان هوفر لك 10 حلول للمشكلة ده.

قبل ما أعرفك الحلول ده وتعملها إزاي لازم تعرف كويس أن المشكلة ده بتحصل بسبب مشكلة في Drivers أو USB وعلشان كدة هقدم لك أقوي 10 حلول تقدر تخليك تحل المشكلة ده بسهولة ، خليك معايا للآخر علشان تعرف الحل المناسب لك.

1-افحص كابل الUSB الخاص بك.

حل مشكلة عدم اتصال هاتفك الأندرويد بالكمبيوتر

أكتر الأسباب اللي بتخلي عدم اتصال موبايلك بالكمبيوتر هو استخدامك الغلط للUSB ، يعني مينفعش تستخدم كابل USB غير سليم أو للشحن علشان فيه أسلاك معمولة علشان الشحن بس مش بتنقل معلومات ، والحل بسيط استعمل كابل USB تاني يقدر ينقل ملفات.

2-حدث وثبت نظام التشغيل الخاص بموبايلك.

حل مشكلة عدم اتصال هاتفك الأندرويد بالكمبيوتر

ده سبب من الأسباب اللي بتخلي الموبايل ميظهرش علي الكمبيوتر علشان كدة لازم الأول تنزل برنامج تحديث نظام التشغيل للأندرويد بتاعك ، وبعد كدة تعمل تحديث كل ما ينزل تحديث جديد للأندرويد.

وعلشان تعمل كدة امشي وراء الخطوات ده :

  • وصل موبايلك الأندرويد بجهاز الكمبيوتر عن طريق الموصل USB اللي بينقل معلومات .
  • دوس على ×+Window في جهاز الكمبيوتر ، وبعدها اختار إدارة الأجهزة.
  • اختار اسم جهازك في قسم الجهاز المحمول.
  • حدث برنامج التشغيل في موبايلك علي الكمبيوتر.
  • اختار اسمح لي في قائمة برامج تشغيل الأجهزة علي جهاز الكمبيوتر.
  • دور على جهاز MTP USB ودوس التالي.

3-غير إعدادات التوصيل بالكمبيوتر من الموبايل.

ساعات لما بتوصل موبايلك بالكمبيوتر بتاعك بيظهر لك إشعار أن موبايلك في وضع الشحن ومش بينقل الملفات ولا بينقل حاجة ابدا هو بس بيشحن وخلاص ،

والحل بس أنك تختار File Transfer أو MTP علشان تحوله من نظام الشحن لنظام نقل الملفات والمعلومات وده من خلال الخطوات ده:

  • وصل موبابلك بجهاز الكمبيوتر عن طريق كابل USB.
  • هيجيلك إشعار من نظام الأندرويد فوق إن USB بيشحن موبايلك
  • اختار File Transfer أو MTp وبعدها من المفروض يظهر لك مساحة موبايلك على الكمبيوتر.

طب أفرض جربت كل الحلول ده ومنفعش عادي جداً في حلول تانية خليك معايا للآخر.

4-صحح أخطاء كابل الUSB على موبايلك.

كل اللي عليك لما توصل موبايلك الأندرويد بالكمبيوتر متنساش تفعيل وضع تصحيح الUSB لأنه مهم جداً ، وناس كتيرة نصحت أنه حل مناسب لحل المشكلة ده. وعلشان تنفذ الحل ده امشي وراء الخطوات ده:

  • افصل موبايلك الأندرويد عن جهاز الكمبيوتر.
  • أدخل على الإعدادات وتختار منها وضع خيارات المطور.
  • فعل وضع تتبع الفلاش.
  • دوس على خانة موافق لو جاتلك رسالة تحذير.
  • وأخيراً وصل موبايلك الأندرويد بجهاز الكمبيوتر.

من المفروض بعد كدة يتم توصيل موبايلك بجهاز الكمبيوتر بنجاح ولو منفعش برده ركز معايا في الحلول التانية.

5-ألغي تثبيت وتحديث نظام التشغيل الخاص بموبايلك.

زي ما قولتلك ثبت وحدث نظام تشغيل موبايلك وده ممكن يحل مشكلتك ، هقولك برده أن لو لغيت تحديث نظام التشغيل للأندرويد بتاعك ممكن يحل مشكلتك ، ويظهر موبايلك في الكمبيوتر .

6-تحميل تعريفات وصلة USB للهاتف.

ساعات من غير ما تعرف بيبقا تعريف USB قديم ومحتاج تحديث ، وأنت مفروض تحمل التعريفات الجديدة وتثبتها علشان تقدر تنقل المعلومات والبيانات من موبايلك الأندرويد بجهاز الكمبيوتر.

7- احذف تعريفات موبايلك الغير مناسبة من الكمبيوتر.

أحياناً لما يكون تعريف غير مناسب موجود علي موبايلك بيخلي الموبايل ميتوصلش بالكمبيوتر ، المفروض تحذف التعريفات ده وده من خلال الخطوات اللي هقولك عليها:

  • دوس علي زر R مع زر ويندوز وادخل نافذة Run.
  • دخل الكود ده devmgmt.msc واختار Ok
  • هتفتح عندك نافذة التعريفات ادخل علي الإعداد Portable Device وبعدين اختار موبايلك.
  • اختار الإعداد ده Uninstall Device لازالة التعريف .

8-اقفل وافتح موبايلك الأندرويد وجهاز الكمبيوتر.

لو جربت كل الحلول ده ومنفعتش معاك يبقا جه الوقت اللي تقفل فيه موبايلك وجهاز كمبيوتر بتاعك ، وترجع تشغلهم تاني وعلي فاكرة الطريقة ده بتنفع أوي.

علشان تشغل موبايلك بتدوس ضغطة مطولة من الجانب الأيمن ، وتختار إعادة تشغيل علشان تشغل جهاز كمبيوتر دوس علي شريط المهام واختار إعادة تشغيل في قائمة الطاقة.

9- جرب جهاز كمبيوتر آخر.

جرب كمبيوتر تاني هو صح الحل ده صعب شوية بس برده سهل علشان أكتر حل بيعرفك المشكلة عندك في جهاز كمبيوتر ولا الموبايل بتاعك ، وعلي فاكرة الحل ده ناس كتير جاب معهم نتيجة.

10- وأخيراً زور أي فرع متخصص قريب منك.

أنا حطيته في آخر القائمة ده بقا لو كل الحلول منفعتش معاك خالص تجربه ، ويبقا كدة مفيش حل هينفع غير لما تروح علي أقرب فرع متخصص لنظام موبايلك ، وهم هناك هيعرفوا مشكلة فين ويعالجوها.

وكمان كمبيوتر بتاعك هيبقا مشكلة فيه النظام بتاعه ولازم تروح أي مركز صيانة لأجهزة الكمبيوتر ، أو مركز الدعم الرسمي ، ومن الأفضل لك قبل ما تروح تدخل علي موقع الويب بتاع المركز اللي هتروحه ، وتعرف محتاج ايه لما تروح ومواعيدهم وغيره من التفاصيل.

نصائح اتبعها قبل حل مشكلة عدم اتصال هاتفك الأندرويد بالكمبيوتر.

حل مشكلة عدم اتصال هاتفك الأندرويد بالكمبيوتر
  1. أتأكد من استعمالك كابل USB سليم موصل جيد.
  2. اوعي تنسي تتأكد أن شبكة الاتصال بالإنترنت مفعلة.
  3. أتأكد من سلامة الكمبيوتر بتاعك.
  4. حدث نظام التشغيل لموبايلك كل فترة.
  5. لما تحصل معاك مشكلة عدم نقل البيانات من موبايلك للكمبيوتر ادخل علي الإعدادات وظبطها.
  6. احذف أي تعريفات غير مناسبة على موبايلك.
  7. عيد تثبيت التعريفات المناسبة للموبايل بتاعك ، علشان يقبل نظام الويندوز قراءة موبايلك وبعد كدة تعرف تنقل الأنت عاوزه من عليه.
  8. غير وضع ال USB من نظام الشحن لنظام التوصيل وده من خلال الإعدادات.

وبكدة يا اصدقائي نكون وصلنا لنهاية مقال اليوم بخصوص 10حلول لمشكلة عدم اتصال الموبايل الأندرويد بالكمبيوتر ، اذا واجهتك اي مشكلة يمكنك التواصل معنا عبر التعليقات .

حل مشكلة عدم اتصال هاتفك الأندرويد بالكمبيوتر

فيديو مقترح من قناتنا علي اليوتيوب

بلغ عن رابط لا يعمل او مشكلة تواجهها

وبكدة يا اصدقائي نكون وصلنا لنهاية مقال اليوم بخصوص 10 طرق لحل مشكلة عدم اتصال هاتفك الأندرويد بالكمبيوتر. ، اذا واجهتك اي مشكلة يمكنك التواصل معنا عبر التعليقات .

قد يعجبك ايضا :-

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى