العاب حروبالعاب مغامرة

لعبة باتل برايم Battle Prime 2021 للاندرويد والايفون – شرح التحميل والتثبيت .

من خلال مقال اليوم سوف نتحدث يا اصدقائي عن لعبة باتل برايم Battle Prime 2021 للاندرويد والايفون واللعبة تعتبر من العاب الباتل رويال اللي للاسف غير متوفرة علي متجر جوجل بلاي وده بسبب ان في شركة تانية رفعت قضية علي الشركة المنتجة للعبة وكسبتها واجبرت المتجر علي حذفها لكن مازالت اللعبة موجودة علي اب ستور يعني اصحاب موبايلات الايفون هيحملوها من اب ستور عادي ومن غير اي مشكلة .

اما اصحابنا بتوع الاندرويد فالموضوع هيكون فيه شوية لخبطة بسيطة هنشرحها بالتفصيل الممل سواء التحميل او التثبيت وحتي لغاية تشغيل اللعبة فلو انت يا صديقي من محبي العاب الباتل رويال فبالتاكيد لعبة battle prime هتكون من ضمن اختياراتك وأكيد هتحب انك تجربها فتابع معانا يا صحبي المقال ده للنهاية .

لعبة باتل برايم Battle Prime 2021 للاندرويد والايفون – شرح التحميل والتثبيت .

زي مقولنا يا اصحابي ان اللعبة للاسف غير متوفرة علي متجر جوجل بلاي بسبب القضية اللي رفعتها الشركة الشهيرة warzone علي شركة Press Fire Games فتم حذف اللعبة من متجر جوجل بلاي بسبب التشابه الكبير بين اللعبتين لكن الغريب ان شركة وار زون فضلت في حذف اللعبة من متجر اب ستور لكن مافيش داعي للقلق يا اصدقائي عشان من خلال مقال اليوم هنقدملكم روابط خارجية لتحميل اللعبة وتشغيلها من غير اي مشاكل .

معلومات لعبة باتل برايم Battle Prime 2021 للاندرويد والايفون .

بخصوص المعلومات عن اللعبة فهي بحجم 90 ميجا لملف APK واللعبة كمان بعد متشغلها هتحمل شوية ملفات حوالي جيجا ونص يعني اللعبة هيوصل حجمها تقريبا معاك 2 جيجا الا حاجات بسيطة وطبعا زي مقولنا في بداية المقال ان اللعبة من انتاج وتطوير شركة Press Fire Games .

لعبة باتل برايم يا اصدقائي تعتبر واحدة من اجمل العاب القتال الشبيهة جدا للعبة ببجي موبايل وهي من الالعاب القليلة التي تتيح لك التبديل بين منظور الشخص الثالث والاول داخل نفس الجيم فانا لم اجد هذه الميزة الاي في هذه اللعبة بالاضافة الي لعبة ببجي موبايل .

وكمان اللعبة عندها احصائيات كويسة جدا علي متجر اب تو دون اللي اضطرت الشركة انها تنزل اللعبة عليه للاندرويد بعد متحذفت من جوجل بلاي بالاضافة طبعا الي كام متجر تاني من المتاجر الغير رسمية لالعاب الاندرويد وطبعا من الحاجات المميزة في اللعبة هو وجود اللغة العربية وده بيسهل علينا اننا نفهم اللعبة بسرعة كبيرة ونتواصل كمان مع الاعبين العرب الموجودين في اللعبة .

قصة لعبة باتل برايم Battle Prime 2021 للاندرويد والايفون .

لعبة battle prime تعتبر واحدة من اجمل العاب اطلاق النار والشبيهة جدا للعبة ببجي موبايل في حاجات كتيرة جدا وكمان شبيهة للعبة وار زون اللي رفعت قضية علي الشركة المنتجة للعبة وحذفتها من متجر جوجل بلاي واللعبة فيها اكتر من 15 مود مختلف بالاضافة الي 22 خريطة ومثلا هنلاحظ وجود في خيار المعارك المصنفة 8 انواع من القتال .

  • التخريب
  • قتال ثنائي
  • ميدان القنص
  • مناوشة
  • مباراة فرق الموت
  • 3 ضد 3 بالمسدس
  • التحكم
  • هيمنة مصغرة

طبعا كل خريطة من الخرائط دي ليها طريقة لعب معينة وده الممتع فعلا والمميز في اللعبة انها مش ماشية علي نظام واحد وبيتكرر في كل الخرايط لا هنا مثلا في القتال الثنائي بيكون 2 ضد اتنين بيقدروا يستخدموا كل الاسلحة فيها ومثلا في خريطة ميدان القنص بيكون القتال عن طريق القناصة فقط والهيمنة هي نفس فكرة الهيمنة الموجودة في ببجي موبايل وهي السيطرة علي اماكن بيتم تحديدها علي الخريطة لوقت محدد عشان تقدر انك تكسب .

بعيدا عن المودات المختلفة للعبة فالجيم الاساسي في اللعبة بيكون عبارة عن قتال بين فريقين كل فريق 5 مقاتلين مدة الجيم 5 دقايق او وصول واحد من الفريقين الي 100 كيل ولو خلص الوقت فالفريق اللي عامل كيلات اكتر هو اللي بينتصر .

طريقة تحميل لعبة باتل برايم Battle Prime 2021 للاندرويد والايفون .

بالنسبة للايفون فالموضوع سهل وبسيط جدا هتدخل علي متجر اب ستور من الرابط الموجود اسفل المقال وتثبت اللعبة من غير اي مشاكل اما اصحابنا بتوع الاندرويد فهنضطر نحمل اللعبة من رابط خارجي لان اللعبة تم حذفها من متجر جوجل بلاي بسبب مشاكل بين شركة وار زون والشركة المنتجة للعبة وده هيتم عن طريق تحمل اللعبة من المتجر الشهير اب تو دون هينزل معانا ملف apk نروح لملف التحميل ونثبه عادي من غير اي مشكللة .

شرح التحكم في لعبة باتل برايم Battle Prime 2021 للاندرويد والايفون .

اما بالنسبة للتحكم فخليني اقولك ان مطورو اللعبة اهتموا جدا بالموضوع وده واضح من ازرار التحكم الموجودة معانا في اللعبة يعني مثلا موجود كل الازرار الموجودة في ببجي موبايل زي مهو واضح في الصورة امامك بالاضافة الي امكانية التعديل علي اماكن الازرار وتغيير حجمها من خلال الاعدادات الخاصة بالتحكم وده هنعمله شرح مصور .

بندخل علي واجهة اللعبة الاساسية ونضغط علي علامة الترس الموجودة اعلي يسار الشاشة .

لعبة باتل برايم Battle Prime 2021 للاندرويد والايفون - شرح التحميل والتثبيت .

ثم نضغط علي كلمة تعديل المحددة في الصورة .

لعبة باتل برايم Battle Prime 2021 للاندرويد والايفون - شرح التحميل والتثبيت .

بعد ذلك سوف تظهر لناس هذه الصفحة والتي سوف نتمكن من خلالها من تحريك اي زرار الي اي مكان اخر في الشاشة علي حسب رغبتنا .

لعبة باتل برايم Battle Prime 2021 للاندرويد والايفون - شرح التحميل والتثبيت .

وطبعا يا اصدقائي ازرار التحكم شبيهة جدا للعبة ببجي موبايل لكن هنوضح الحاجات الي الاضافية الموجودة في لعبة battle prime زي مثلا الزرار الاصفر اللي عليه علامة العين ده عبارة عن زرار المهارة وهو مختلف حسب المود اللي بتلعب فيه يعني لو معاك مهارة العين دي هتقدر من خلال الضغط عليه انك ترمي قنبلة تحدد الخصوم القريبة منها كانك مفعل هكر كشف اماكن ودي شبيهة جدا للمود بتاع ببجي موبايل اللي كان فيه قنبلة بتظهر خصومك داخل المباني .

مميزات لعبة باتل برايم Battle Prime 2021 للاندرويد والايفون .

  • جيرافيك مميز جدا مع امكانية تعديله حسب قوة الهاتف الخاص بك .
  • جودة صوت قوية جدا مع ميزة الصوت المحيطي (تحديد مكان خصمك عن طريق سماعة محيطية)
  • امكانية تطوير الاسلحة مما يؤدي الي قوتها وزيادة ثباتها وقلة الارتداد او تركيب خزنة موسعة ثابتة في السلاح بعد تطويره .
  • امكانية تغيير ازرار التحكم حتي تتناسب مع طريقة لعبك التي اعتدت عليها في العاب القتال الاخري .
  • وجود ميزة الجيروسكوب التي لا غني عنها في العاب القتال والتي تساعدك في تحسين دقة التصويب .
  • امكانية التغيير الي منظور الشخص الاول داخل الجيم (الميزة الموجودة في ببجي موبايل)
  • سلاسة قوية جدا في اللعبة مع امكانية تقليل الجيرافيك الخاص باللعبة لحصول علي سلاسة افضل .
  • وجود اكتر من 15 مود مختلف .
  • وجود اكتر من 22 خريطة .
  • امكانية التعديل علي حساسية اللعبة سواء حساسية الجيروسكوب او حساسية ADS .
  • امكانية تغيير لغة اللعبة الي اكثر من لغة من بينها اللغة العربية

روابط تحميل لعبة باتل برايم Battle Prime 2021 للاندرويد والايفون .

فيديو مقترح من قناتنا علي اليوتيوب

بلغ عن رابط لا يعمل او مشكلة تواجهها

وبكدة يا اصدقائي نكون وصلنا لنهاية مقال بخصوص لعبة باتل برايم Battle Prime 2021 للاندرويد والايفون ، اذا واجهتك اي مشكلة يمكنك التواصل معنا عبر التعليقات .

مقالات مميزة أكيد هتعجبك .

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى