تطبيقات

10 أفضل تطبيقات الأندرويد على الإطلاق 2022


متجر جوجل بلاي هو المصدر الأول للحصول على أي تطبيق ، بس المشكلة هنا علشان تنزل لموبايلك الأندرويد أحسن تطبيقات وأفضلهم جميعا هتكون زي ما تكون بتدور على إبرة في كوم قش.

والحل بقا معايا أنا هقدم لك أفضل 10 تطبيقات لموبايلك الأندرويد واللي من خلالهم هتساعدك كتير في حياتك وهعرفك كل واحد لازمته ايه.

1- تطبيق WPS Office.

image 3

التطبيق ده من التطبيقات المهمة واللي لازم تبقى موجودة على جهازك ، وبالذات لو كنت بتدرس في جامعة أو لسة طالب في أي مدرسة و ده علشان تقدر تكتب فيه أبحاثك اذا كنت في كلية أو في مدرسة.

وتقدر تسجل في مستندات على البرنامج مستندات شغل أو أي كتابة انت عاوزها ، البرنامج مش بيتيح لك بس الكتابة عليه لا ده كمان بيتيح لك تحويل الملفات من ملفات عادية لملفات pdf ما حدش يقدر يتحكم فيها.

التطبيق بيتميز بقوالب كتيرة وكمان ألوان مختلفة ، و خطوط طويلة وعريضة وأشكال مختلفة من الكتابة وكمان مجاني ومتاح لكل المستخدمين.


2-تطبيق PicsArt.

image 4

التطبيق ده جميل أوي وانا شخصياً بستعمله وبقدر من خلاله أصمم الصور وأغيرها خالص و أحط اللوجو بتاعي ، هو من أحسن وأفضل تطبيقات تحرير الصور.

في ناس كثير بتشتغل من خلاله فى تصميم الجرافيك وفي ناس بتستعمله علشان تلون وترسم عليه صورها مع أصحابها وعيلتها.

في جميع الأحوال التطبيق ممتاز ومليان بالمميزات الفريدة من نوعها: ومنها أضافة إطارات وخلفيات بألوان مختلفة وقص وتغيير من أشكال الصور و ورسم وتزيين الصور وأداة النسخ وغيره.

أجمل حاجة في التطبيق ده أنه بيخليك تشارك تصميماتك بشكل جماعي وغيرك من اللي بيستخدموه بيشوفوها ، وأنت كمان تقدر تشوف تصميماتهم ، التطبيق مجاني بس له استخدامات معينة بالفلوس ، علامة التطبيق ده في متجر بلاي 4,3 وبيستخدموا أكثر من 500 مليون واحد.

سلي نفسك ولا يلهيك الانترنت عن واجباتك الدينية !

اللعبه دى اكيد هتعجبك تخطى الاعلان عن طريق النقر على Skip ads وابدأ فى اللعب.


3- تطبيق Feedly.

PicsArt 09 27 10.20.42
تطبيق Feedly

التطبيق ده هو أحسن التطبيقات لنظام الأندرويد علشان بيقدر ينظم ويجمع كل الأخبار والمقالات و قنوات اليوتيوب وغيرها علشان تستفيد و تقدر تطلع عليها.

التطبيق بيشتغل من نظام RSS ، تقييم التطبيق 4,2 وبيستخدمه أكتر من 5 ملايين.


4- تطبيق Keepsafe Browser.

image 5

من أحسن المتصفحات عبر الأنترنت هو مش بس بيخليك تتصفح في المواقع اللي أنت عاوزها زي أي متصفح عادي ، لا ده بيأمن موبايلك بشكل كامل ولما بتيجي تدخل المواقع اللي مليانة بالفيروسات بيجئ لك رسالة تحذير وبيمنع دخولك المواقع ده.

بيحافظ على معلوماتك وبياناتك والمواقع اللى بتدخل عليها ومش بيخلى أى حد يقدر يوصل لهم ، وبيستخدم تشفير عسكري في كل تطبيقاته.


5-تطبيق PRISMA.

image 6

التطبيق ده ممتع جدا وبالذات لهواة الرسم على الصور ، بيحول أي صورة لتحفة فنية وعلى فكره التطبيق مش بيطلب أي مجهود ده بسيط جدا ، كل اللي عليك أنك تحمل الصورة في التطبيق وبعد كده ترسم عليها أو تضيف لها رسومات من التطبيق.

انتشر التطبيق دلوقتي بشكل كبير عن زمان وده بسبب تنزيل الشباب كثير له ، وكمان التطبيق بيحلو أكتر لما يحول صورتك لصورة شيطان أو صور تانية غيرها على حسب اللي أنت عاوزه.


6- تطبيق Google Photos.

image 7

التطبيق ده له شعبية كبيرة ، طبعاً كلنا بنتصور على طول وكتير صور بتضيع مننا بندور عليها في الموبايل ومش بنلاقيها ، وتيجي بقى فائدة التطبيق ده هنا ، بيحفظ نسخة من كل صورة أنت بتتصورها على النت.

تقدر من خلاله توصل لأي صورة اتصورتها عندك في الموبايل ، وكمان تقدر تضيف لصورك أي إضافات انت عاوزها أو تزود سطوع الصورة وتجيب الصور القديمة وتلونها و وممكن كمان تنشئ أي فيديوهات من خلاله.


7- تطبيق Snapseed‏.

image 8

من أحسن التطبيقات لنظام الأندرويد وشغلته كلها تعديل وتغيير شكل الصور ، موجود فيه الأدوات البسيطة زي تغيير خلفية الصور وزيادة السطوع والتباين والإضاءة و قص الصور والكتابه عليها.

وكمان موجود فيه الأدوات الاحترافية لتعديل الصور زي توازن اللون الأبيض و مسح الأشخاص والحاجات اللي مش عاوزينها في الصور .

وكمان تقدر من خلاله تضيف أي تاثيرات مختلفة وإطارات حوالين الصور وبعد ما تغير شكل صورك وتعدل فيها زي ما أنت عاوز تقدر تشيرها على مواقع التواصل الإجتماعي.


8- تطبيق ترجمة جوجل.

PicsArt 09 28 09.13.22
تطبيق ترجمة جوجل

التطبيق ده أهم التطبيقات اللي تساعدك في شغلك ودراستك مين منا محتاجش في يوم من الأيام يترجم أي نص ، وكمان هينفعك أوي في شغلك أو في دراستك أيا كانت ايه علشان دائماً اللغات شئ أساسي في حياتنا ودراستنا.

مميزات التطبيق ده كتيرة منها أنه بيتيح لك ترجمة 103 لغة مختلفة وكمان يترجم لك أي نص في أي تطبيق من خلال نافذة ، ويترجم أي محادثات بالصوت من خلال 38 لغة.
 
يقدر يترجم لك أي نص من غير ما تستخدم الانترنت ومش بس كده ده أنت تقدر تطلع بالكاميرا وتتكلم وهو يترجم لك فوري.
 

9- تطبيق Telegram.

image 9
  • من أجمل التطبيقات زيه زي الواتساب وتطبيقات المحادثات بس بشكل تاني وله مميزات كتيرة منها:
  • تطبيق أمن جداً والمكالمات والمحادثات فيه محمية من خلال خاصية التشفير التام بين الطرفين.
  • تطبيق مناسب للشغل علشان فيه جروبات كتيرة مختلفة ، يوصل عدد أعضائها ل200 عضو ، أنت نفسك تقدر تعمل عليه جروبات لشغلك وتضيف ناس عليها.
  • التليجرام تقدر تشغله من موبايل أندرويد أو كمبيوتر أو تابلت أو أي جهاز.
  • تقدر تعمل عليه قنوات وتعرض فيها صور لشغلك ، وتشير لينكات قنوات التليجرام بتاعة شغلك ، وتجيب ناس كتير تتفرج على شغلك.
  • مزود بالملصقات والأشكال اللي تحببك في كتابة ومحادثة أصحابك.
  • تطبيق سريع جداً مقارنة بتطبيقات محادثة آخري.
  • مساحته صغيرة أوي ، حجم ومساحة 13 ميجابايت بس.
  • تطبيق لذيذ وممتع مفيهوش إعلانات.
  • اتحمل من متجر بلاي من 50 مليون ل100 مليون واحد.

10- تطبيق Super Erase.

PicsArt 09 28 10.27.55 1
تطبيق SUPER Erase

آخر تطبيق في قائمة ده كان لازم أحطه علشان مهم جداً ، أكيد كلنا مر علينا ملف على موبايل عايزين نمسحه بشكل نهائي ومنقدرش نرجعه تاني ، أهو البرنامج ده اتعمل مخصوص علشان كدة.

طبعاً معروف دلوقتي في تطبيقات كتيرة بترجع الصور والملفات اللي مسحنها من الموبايل وده خطر كبير علينا ، وبالزات بقينا بنسمع كتير عن الناس اللي بتبيع موبايلاتها وبتبقا ماسحة ملفاتها وصورها وبعد كدة اتعرضت للابتزاز.

طيب التطبيق ده كل اللي عليه أنه يمنع نهائيا وبشكل آمن رجوع صورك وملفاتك اللي مسحتها تاني ممكن تنزله وتستخدمه لما تبيع موبايلك أو لما تحب تمسح حاجة ومش عاوز حد يسترجعها ابدا.


في النهاية أحب أنصحكم قبل ما تفكروا تنزلوا تطبيقات للأندرويد ، لازم تراعوا شوية نقط وهي زي أنك لازم تنزل تطبيقات محمية بالتشفير التام بينك وبين اللي بتكلمهم وبالزات تطبيقات التراسل والمحادثات .

وأن يكون التطبيق اللي هتنزله مفتوح المصدر بنسبة 100٪ ، ويمنع الاحتفاظ بأي نسخة من نسخ بيانات المستخدم ، ويكون التطبيق متمول من جهة مستقلة.

وبكدة يا اصدقائي نكون وصلنا لنهاية مقال اليوم بخصوص 10 أفضل تطبيقات الأندرويد على الإطلاق ، اذا واجهتك أي مشكلة يمكنك التواصل معنا عبر التعليقات .

سلي نفسك ولا يلهيك الانترنت عن واجباتك الدينية !

اللعبه دى اكيد هتعجبك تخطى الاعلان عن طريق النقر على Skip ads وابدأ فى اللعب.

فيديو مقترح من قناتنا علي اليوتيوب .


بلغ عن رابط لا يعمل او مشكلة تواجهها

وبكدة يا اصدقائي نكون وصلنا لنهاية مقال اليوم بخصوص “10 أفضل تطبيقات الأندرويد على الإطلاق 2022” ، اذا واجهتك اي مشكلة يمكنك التواصل معنا عبر التعليقات .

تابعنا على سوشيال ميديا :-

قد يعجبك ايضا :-

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى