اخر الاخبار

تحميل لعبة Metal Revolution للاندرويد 2021 .


يسعدني ان اقدم لكم من خلال مقال اليوم تحميل لعبة Metal Revolution للاندرويد 2021 واحدة من اقوي واروع العاب القتال المتوفرة علي متجر تحميل تطبيقات والعاب الاندرويد “جوجل بلاي” حيث ان هذه اللعبة تمتلك جيرافيك قوي جدا مع نظام صوتي مميز ونقي جدا فلو انت يا صديقي من محبين العاب القتال الاونلاين فانا متاكد جدا ان اللعبة دي هتعجبك واكيد هتحملها وتجربها بالذات انك ممكن تشاركها مع اصحابك وتلعب ضدهم في حاجة كدة شبيهة بالرومات الموجودة في ببجي موبايل ولكن هنا الرومات مجانا .

تحميل لعبة Metal Revolution للاندرويد 2021 .

لعبة Metal Revolution من الالعاب الجميلة والمميزة الموجودة علي متجر جوجل بلاي لكن للاسف اللعبة مش متوفر منها اصدار جلوبال وهي متوفرة لبعض الدول ودول تانية غير متوفرة يعني انا مثلا مقيم في مصر بيظهرلي علي متجر جوجل بلاي ان هذا العصنر غير في بلدك وطبعا محتاجين في بي ان ونفضل نجرب من اكتر من دولة لغاية ميظهرلنا تثبيت اللعبة او انك تختصر الكلام ده كله وتحمل اللعبة من الرابط اللي هسيبهولك في نهاية المقال .

معلومات لعبة Metal Revolution للاندرويد 2021 .

لعبة Metal Revolution من العاب القتال الاونلاين اللي بتشترط وجود انترنت مش كدة وبس لا لازمك انترنت كويس لان اللعبة بتعتمد هنا علي نظام FPS اللي هو نفس نظام البنج الموجود في ببجي موبايل والالعاب الشبيهة ليها وفي مود القتال الاونلاين ممكن يفرق جدا معاك سرعة الانترنت لان الخصم بتاعك لو بنجه اقل منك بكتير أكيد هيضربك بشكل اسرع فحاول انك توفر انترنت كويس عشان تعرف تتميز في اللعبة .

كمان اللعبة فيها اكتر من مود زي مود التقييم واللي التقييم فيه واخد نفس الرانك بتاع ببجي موبايل اول مبتلعب بتكون برونز 5 ومع كل 50 نقطة بتكسبها بعد متنتصر علي اي خصم في مود اللعب الاونلاين بتطلع للطبقة اللي بعدها واللي هي برونز 4 ومع كل 50 نقطة هتطلع طبقة جديدة وفي البداية هتكسب نقط كتير لكن مع صعودك في التقييم هتبدء تاخد نقط قليلة واللي نفس فكرة ببجي موبايل برضه .

اما بخصوص معلومات اللعبة ، فاللعبة حوالي 1.7 جيجا بكل ملفاتها فانت حاول تخلي علي جهاز مساحة 2 جيجا علي الاقل عشان اللعبة تشتغل معاك من غير اي مشاكل واللعبة من انتاج وتطوير الشركة السنغافورية الشهيرة Youzu واللي ليها اكتر من لعبة مميزة علي متجر جوجل بلاي زي Forsaken World: Gods and Demons‏ و Dynasty Origins: Pioneer‏ .

مميزات لعبة Metal Revolution للاندرويد 2021 .

لعبة Metal Revolution من العاب القتال الحديثة متعددة الشخصيات والمودات ومن افضل العاب القتال اللي بتعتمد علي تقنية الـ 2D مع سلاسة رهيبة وجيرافيك مميز جدا مع انظمة صوتية نقية جدا وغير مزعجة .

  • تعدد مودات اللعبة زي مود الرانك (التقييم ) ومود الرومات اللي تقدر تتحدي فيه اصدقائك .
  • اللعب اونلاين ضد لاعبين حقيقين وامكانية اضافتهم الي اصدقائك في اللعبة والتعرف عليهم .
  • نظام تحكم سهل وسلس جدا .
  • تعدد الشخصيات الي يمكنك اسنخدامها في القتال .
  • رسومات ثنائية الابعاد مميزة مع نظام السلوموشن مع الضربة القاضية لخصمك .

طريقة تشغيل لعبة Metal Revolution للاندرويد 2021 .

بعد تحميل وتثبيت اللعبة من الرابط الموجود في نهاية المقال سوف نقوم بالدخول الي اللعبة وسوف يطلب منا التسجيل في اللعبة عن طريق الفيسبوك او الجيميل او اي طريقة متاحة للحفاظ علي تقدمك في اللعبة لانك لو دخلت من وضعية الضيف واللعبة اتحذفت وثبتها مرة تانية هتبدء من الاول وده لانك مسجلتش في اللعبة وبالتالي بياناتك اتمسحت مع حذف اللعبة .

صورة رقم 1

كمان في حاجة مهمة لازم تاخد بالك منها ان اللعبة بتطلب منك مع اول مرة تدخل فيها انك تختار المكان اللي انت عايش فيه وده اختيار مهم جدا لازم تختار دولتك بشكل صحيح عشان اللعبة تدخلك في سيرفر البنج بتاعه يكون مناسب للمكان اللي انت عايش فيه فلازم تركز وانت بتختار دولتك كما هو موضح في الصورة .

تحميل لعبة Metal Revolution للاندرويد 2021 .

وزي منتا شايف يا صديقي نظام اللعبة نزلني في سيرفر اروبا وده لانه البنج فيه مناسب لدولة مصر وبيحرك مابين 50-100

تحميل لعبة Metal Revolution للاندرويد 2021 .

بعد كدة بتعدي علي البرنامج التعليمي للعبة اللي بيعلمك ازاي تتحرك بشكل صحيح وازاي تستخدم ازرار التحكم وتوجه الضربات والمهارات بشكل صحيح .

تحميل لعبة Metal Revolution للاندرويد 2021 .

بعد كدة بتظهر معانا واجهة اللعبة بالشكل ده .

تحميل لعبة Metal Revolution للاندرويد 2021 .

هنلاحظ في واجهة اللعبة تعدد مودات اللعبة .

ranked match : وده عبارة عن مود لعب اونلاين ضد لاعبين حقيقين تقدر انك تضيف الخصم بتاعك كصديق بعد نهاية المباراة وتتواصل معاه او تلعب معاه روم في نظام game hall والرومات هنا مجانية بدون اي مقابل والتقييم هنا شبيه جدا لتقييم لعبة ببجي موبايل من حسي المسميات بداية بالبرونز والجولد والديموند وزي محضرتك شايف كدة في الصورة ده بعد اول انتصار ليا كسبت 40 نقطة تقييم وانا حاليا برونز 5 باقيلي 10 نقط عشان اوصل برونز 4 وزي منتا شايف برضه اقدر اعمله لخصمي اعجاب او اضيفه صديق .

تحميل لعبة Metal Revolution للاندرويد 2021 .

game hall : ده بقي نظام الرومات واللي من خلاله تقدر تعمل روم مجانا ولو عندك اصدقاء في اللعبة تقدر تعمله دعوة للروم وتدخل معاهم في قتال

local : وده نفس نظام اللعب العادي ولكن من غير تقييم وكمان موجود فيه وضعية التدريب .

تحميل لعبة Metal Revolution للاندرويد 2021 .

الشخصيات الموجودة في لعبة Metal Revolution للاندرويد 2021 .

اللعبة متوفر فيها 14 شخصية مختلفة تماما عن بعض وكل شخصية ليها مهارتها الخاصة واسلوبها الفريد في القتال منهم 7 شخصيات تقدر تلعب بيهم مجانا و7 شخصيات لازم تشتريهم عشان تلعب بيهم .

تحميل لعبة Metal Revolution للاندرويد 2021 .

روابط تحميل لعبة Metal Revolution للاندرويد 2021 .

طبعا يا اصدقائي زي مقولنا في بداية المقال ان اللعبة متوفرة علي متجر جوجل بلاي ولكن للاسف مش بالنسخة الجلوبال وبالتالي مش هتكون متوفرة لكل الدول عشان كدة وفرنا رابط خارجي لتحميل اللعبة من متجر تاب تاب ولو مش متوفر عندك علي موبايلك متجر تاب تاب فاحنا وفرنا ليك رابط لتحميله علي موبايلك عشان تحمل منه اللعبة

فيديو مقترح من قناتنا علي اليوتيوب

بلغ عن رابط لا يعمل او مشكلة تواجهها

وبكدة يا اصدقائي نكون وصلنا لنهاية مقال اليوم بخصوص تحميل لعبة Metal Revolution للاندرويد 2021 ، اذا واجهتك اي مشكلة يمكنك التواصل معنا عبر التعليقات .

مقالات مميزة أكيد هتعجبك .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى