ابحث في الموقع

تابعنا على جوجل نيوز

تحميل لعبة MORTAL KOMBAT للاندرويد والايفون – شرح كامل للعبة MORTAL KOMBAT .

تحميل لعبة MORTAL KOMBAT للاندرويد والايفون – شرح كامل للعبة MORTAL KOMBAT .
قيم المقال

تحميل لعبة MORTAL KOMBAT للاندرويد والايفون – شرح كامل للعبة MORTAL KOMBAT هو عنوان مقالنا لهذا اليوم يا اصدقائي واللي هنقدملكم من خلاله الشرح الكامل للعبة الشهيرة مورتال كومبات واللي بتعتبر واحدة من اروع واجمل العاب القتال الاونلاين الموجودة علي متجر جوجل بلاي واب ستور وده لان اللعبة دي متوفرة لهواتف الايفون والاندرويد مجانا فلو انت يا صديقي من عشاق العاب القتال فانا متاكد جدا ان اللعبة دي هتعجبك واكيد هتجربها فتابع معانا يا صحبي المقال ده للنهاية .

تحميل لعبة MORTAL KOMBAT للاندرويد والايفون .

لعبة MORTAL KOMBAT من اقدم العاب القتال او المصارعة بشكل عام يعني مثلا اللعبة ظهرت باول اصدار ليها سنة 1992 وده طبعا كان علي اجهزة الاتاري العادي وبعد كدة تطورت اللعبة مع ظهور الاجهزة الجديدة زي البلايستيشن والاكس بوكس وغيرها من اجهزة تشغيل الالعاب المختلفة .

لعبة MORTAL KOMBAT للاندرويد والايفون .

اما بخصوص اصدار الهواتف المحمولة من لعبة MORTAL KOMBAT فده ظهر لاول مرة علي متجر جوجل بلاي لهواتف الاندرويد سنة 2015 بالتحديد في شهر 5 وعلي الرغم من الشعبية الكبيرة اللي قدرت اللعبة انها تعملها بعدد مرات تحميل تخطي الخمسين مليون عملية تحميل مع تقييم 4.2 لا ان اللعبة تعرضت لانتقادات كتيرة جدا بسبب المشاهد الدموية المبالغ فيها زي تقطيع اطراف الخصوم او قطع رؤسهم او كمية الدم المبالغ فيها من تاثير الضربات والغريب ان اللعبة لغاية اخر تحديث اللي كان بتاريخ 5/10/2021 مازال فيها كل مظاهر العنف اللي كان سبب في تعرض اللعبة للنقد .

معلومات لعبة MORTAL KOMBAT للاندرويد والايفون .

زي مقولنا في بداية المقال يا احبابي ان اللعبة من العاب القتال العتيقة وده لان اول اصدار للعبة كان سنة 1992 وكانت وقتها اللعبة من انتاج وتطوير شركة الالعاب الامريكية “ميدواي” ومع الوقت بدات اللعبة تنتشر بين الاجهزة المختلفة من الاتاري العادي الي البلايستيشن واخيرا الي هواتف المحمول صواء للاندرويد او الايفون .

اللعبة موجودة علي المتاجر الرسمية سواء متجر “جوجل بلاي” لهواتف الاندرويد او متجر “اب ستور” لهواتف الايفون وتقدر تحملها من اي متجر منهم مجانا واللعبة حجمها تقريبا حيحا ونص ومش بتحتاج تحمل اي ملفات اضافية بعد التثبيت من المتجر ولكن بتعمل فحص سريع كدة تتاكد ان النسخة اللي معاك هي احدث نسخة وغير معدلة (مهكرة) .

اللعبة من انتاج وتطوير شركة Warner Bros. International Enterprises وبندقمها لكم يا اصدقائي بالاصدار الاخير رقم 3.4.1 واللي تم تحديثه بتاريخ 5/10/2021 وفي كل الاحوال هنسيب رابط التحميل الرسمي للعبة عشان لو نزل اي تحديث جديدة تقدروا توصلوا ليه بسهولة كمان بسبب العنف الكتير اللي في اللعبة فهي مقيمة علي متجر جوجل بلاي واب ستور بانها +18 يعني اللعبة غير مناسبة تمام للاطفال .

قصة لعبة MORTAL KOMBAT للاندرويد والايفون .

اللعبة ملهاش قصة محددة لكن فيها اكتر من مود نقدر نلعب فيهم واللعبة بشكل عام من الالعاب اللي بتعتمد علي الكروت بمعني ايه الكلام ده هوضح لحضرتك حالا ، اللعبة عبارة عن لعبة قتال وعشان تكسب الشخصية اللي هتقاتل فيها لازم تحصل علي كارت الشخصية ومن هنا بنفهم انك عشان تكسب شخصية جديدة تقاتل بيها محتاج تحصل علي كرت شخصية .

يبقي احنا كدة فهما ان االحصول علي الشخصيات الجديدة اللي هنقاتل بيها بيتم عن طريق الحصول علي كروت الشخصية سواء عن طريق شرائها من المتجر او نكسبها مثلا بعد منخلص مهمة معينة ، بس لازم تاخد بالك من حاجة مهمة ان الكارت بتاع الشخصيات ثابت لكن اللي بيطلع منه مختلف وده لان الشخصيات هنا متقسمة لفئات مختلفة علي حسب اللون برونزي وفضي وماسي وذهبي .

ومش معني مثلا ان الشخصية البرونزية بتكون مهاراتها ضعيفة اننا نهملها ومنظورهاش لا كدة وده لان في مهمات معينة مش هتقدر تلعبها الا بشخصيات برونزية فلازم تهتم بكل الشخصيات اللي عندك وتركز علي تطوير قدراتهم ومهاراتهم .

من اكبر المشاكل الموجودة في اللعبة او اكبر العيوب هي انك هتتعب شوية في الاول عشان تقدر تقوي 3 شخصيات تنفذ بيهم المهمات وده لان عملات اللعبة قليلة جدا وهي مهمة طبعا لتطوير الشخصيات بالاضافة الي ان اللعبة لا تعمل بدون انترنت .

طريقة الحصول علي الشخصيات في لعبة MORTAL KOMBAT .

عن طريق المتجر (store) وده طبعا لازم تشحن بفلوسك عشان تحصل عليهم .

الكارت المجاني الموجود في المتجر (store) ولكن هيطلعلك شخصيات برونزية فقط .

عن طريق انهاء المهمات (انت وحظك) يعني ممكن بعض المهمات السهلة تحصل منها علي كارت شخصية والمهمات الصعبة لا .

عن طريق الدهب من متجر اللعبة (store) ثم اختيار (card packs) مقابل 30 الف عملة دهبية تقدر تجيب شخصية فضية .

من نفس المكان في الخطوة السابقة تقدر تحصل علي شخصيات اخري ولكن بعملة اللعبة الاخري وهي (عملة الارواح).

طريقة تدريب وتقوية الشخصيات في لعبة MORTAL KOMBAT .

من واجهة اللعبة بنضغط علي كلمة collections .

تحميل لعبة MORTAL KOMBAT للاندرويد والايفون - شرح كامل للعبة MORTAL KOMBAT .

هتظهرلنا الشخصيات بالشكل ده نضغط علي الشخصية اللي عايزين نطورها منهم وليكن مثلا scorpion

تحميل لعبة MORTAL KOMBAT للاندرويد والايفون - شرح كامل للعبة MORTAL KOMBAT .

فتظهرلنا الاحصائيات الخاصة بسكوربيون بالاضافة الي اماكن تطوير مهاراته او اضافة العتاد او اضافة القوي الخاصة .

رقم واحد بنقدر من خلاله نضيف المهارات الاساسية للمقاتل وهما 3 انواع النوع الاول بيفتح من لفل واحد يعني تقدر تطوره من 1 الي عشرة اول متحصل علي الشخصية اما المهارة اللي تحتاح فلازم توصل مستوي 5 عشان تقدر تطورها من 1 الي 10 والمهارة اللي تحتها لازم توصل لمستوي 20 عشان تقدر انك تطورها .

رقم 2 هو المكان اللي بتقدر نضيف من خلاله العتاد اللي بنقدر نشتيرها من المتجر او اللي بناخدها كمكافئة بعد منخلص بعض المهام .

رقم 3 بنقدر نزود من خلالها المهارات الاساسية للشخصية زي زيادة نسبة الضرر الناتج عن الضرب او زيادة استرجاع نقاط الحياة وكل مرة من الزيادة دي هتكلفك 5 الاف من عملة اللعبة .

رقم 4 دي مش بتزيد من مهاراتك لكنها بتستعرض المهارات والامكانيات الخاصة بالشخصية زي نقاط الحياة وقوة الضرر وغيرها من الاحصائيات المفصلة .

تحميل لعبة MORTAL KOMBAT للاندرويد والايفون - شرح كامل للعبة MORTAL KOMBAT .

يبقي كدة يا اصدقائي وضحنا ليكم ازاي تقدر تطور الشخصية وتضيف ليها العتاد وتقوي المهارات الاضافية الخاصة بيها .

ازاي نلعب لعبة MORTAL KOMBAT للاندرويد والايفون .

ركز معايا شوية عشان هنتكلم عن اهم جزء في اللعبة وهو ازاي تلعب اللعبة بالشكل الصحيح وتتجنب الاخطاء اللي بيقع فيها المبتدئين اولا هندخل علي واجهة اللعبة كما هو موضح في الصورة هنلاقي 3 مودات نقدر نلعب فيهم

  • battle mode
  • faction wars
  • quest mode
تحميل لعبة MORTAL KOMBAT للاندرويد والايفون - شرح كامل للعبة MORTAL KOMBAT .

فاحنا هنشرح مع بعض طريقة اللعب في battle mode عشان نفهم منه طريقة اللعب واختيار الشخصيات وانت تجرب يا صديقي نفس اللي هنطبقه في المود ده علي المودين الباقيين مع محاولة استكشاف اللعبة والاستمتاع بيها .

بعد الضغط علي battle mode هتظهرلنا الصورة التالية وهي عبارة عن ابراج المهمات اللي لازم تتغلب عليهم هنضغط علي البرج اللي عليه الدور كما هو موضح بالصورة .

تحميل لعبة MORTAL KOMBAT للاندرويد والايفون - شرح كامل للعبة MORTAL KOMBAT .

ومن هنا بتظرهلنا صفحة اختيار الشخصيات لو معانا اكتر من شخصية وعايزين نغير مابينهم بنضغط علي EDIT TEAM اما لو عايزين ندخل علي الفايت مباشرة هنضغط علي كلمة FIGHT .

تحميل لعبة MORTAL KOMBAT للاندرويد والايفون - شرح كامل للعبة MORTAL KOMBAT .

وبعد كدة هندخل علي ساحة القتال كما هو موضح في الصورة .

تحميل لعبة MORTAL KOMBAT للاندرويد والايفون - شرح كامل للعبة MORTAL KOMBAT .

طريقة التحكم في لعبة MORTAL KOMBAT للاندرويد والايفون .

طبعا زي محنا ملاحظين يا اصدقائي ان مافيش ازرار تحكم في اللعبة وهنا بقي في شوية اسرار مقدرتش اوصلها الا بعد ممارسة اللعبة لوقت طويل .

  • لاصابة الخصم قم بالضغط علي شخصيته في شاشة الهاتف .
  • لصد ضربات الخصم ثبت اصبعين علي الشاشة وسوف تلاحظ ان شخصيتك اخدت وضعية دفاع .
  • علي يسار الشاشة من الاسفل بعد امتلاء الخط الابيض يمكنك تنفيذ المهارة الخاصة بك عن طريق الضغط عليها .
  • يمكن اضافة مهارة اضافية للشخصية عند الوصول لمستوي 5 واضافة ثالثة عند الوصول الي مستوي 20 .
  • الشصيات الموجودة علي يسار الشاشة يمكنك التبديل بينهم بفارق زمني اجباري 7 ثواني بين كل تبديلة .

من خلال الصورة القادمة سوف نشرح لكم بشكل اوضح طريقة التحكم في اللعبة .

تحميل لعبة MORTAL KOMBAT للاندرويد والايفون - شرح كامل للعبة MORTAL KOMBAT .
  • رقم واحد هما الشخصيات الخاصة بيك وتقدر تبدل بينهم .
  • رقم 2 هما الشخصيات الخاصة بالخصم وهو كمان بيبدل بينهم اثتاء القتال .
  • رقم 3 هي مهارة الخصم وهي كدة مكتملة ويقدر ينفذها عليك في اي لحظة .
  • رقم 4 هي المهارات الخاصة بيك وتقدر تنفذها علي الخصم في اي وقت .

روابط تحميل لعبة MORTAL KOMBAT للاندرويد والايفون .

فيديو مقترح من قناتنا علي اليوتيوب

بلغ عن رابط لا يعمل او مشكلة تواجهها

وبكدة يا اصدقائي نكون وصلنا لنهاية مقال اليوم بخصوص تحميل لعبة MORTAL KOMBAT للاندرويد والايفون ، اذا واجهتك اي مشكلة يمكنك التواصل معنا عبر التعليقات .

مقالات مميزة أكيد هتعجبك .

تعليقات (0)

إغلاق
انضم الى قناه التلجرام
اشترك معنا نعم لا