ابحث في الموقع

تابعنا على جوجل نيوز

5 خطوات لحل مشكلة تعطل الواي فاي في الاندرويد

5 خطوات لحل مشكلة تعطل الواي فاي في الاندرويد
4.5/5 - (2 صوتين)

حل مشكلة تعطل الواي فاي في الاندرويد بعدة خطوات مختلفه ومن المؤكد بعد متابعتك لهذا الموضوع لن تواجهه اى مشكلة فى الاتصال بشكبى الواي فاي بعد الان .

سوف نعرض اليوم مجموعه من النصائح التى ستقوم بإتباعها وبالتالى هتقدر تدخل على شبكة الواي فاي بتاعتك عشان لو عندك اى مشكله فى الاتصال زى المشاكل اللى بتحصل فى بعض الموبايلات رغم انك كاتب الباسورد صح بس تلاقى الشبكه مش راضيه تتصل بالواي فاي او انك متصل بيها ومش راضيه تدخل معاك وتجرب على موبايل اخوك او حد من صحابك بتتصل عادى من غير اى مشكله .

وهنا بقا بتلاقى نفسك بدأت تقول انا موبايل فيه مشكله والواي فاي بتاع الموبايل بايظ والموباي لازم يروح للصيانه وفى الحقيقه الموضوع مش كدا خالص ف خلينا نتابع الموضوع دا للأخر لأن اكيد هتلاقى حل مناسب لمشكلتك كل اللى عليك بس انك تركز كدا معايا وتتابع الموضوع للنهاية وهتلاقيه مفيد جدا بالنسبالك فيلا بينا ي نبدأ فى الموضوع بتاعنا النهردة وأول حاجه تبدأ بيها هيا انك تسمى الله .

التحقق من اعدادات شبكة الواي فاي :

  • اول حاجه ي صاحبى لازم تتأكد ان شبكه الواي فاي قريبه منك مش بعيدة يعنى على الاقل حاول تكون شبكه الواي فاي عندك 3 شرط على الاقل  .
  • تانى حاجه روح على الراوتر بتاعك وابدأ رستره او شيله من الفيشه وحطها تانى لان جايز يكون المشكله فى الراوتر ذات نفسه .
  • جرب تتصل بشبكه الواي فاي من موبايل تانى او كمبيوتر تانى لان جايز بردو تكون المشكله فى الراوتر مش الموبايل .
  • ممكن كمان تكون متصل بالواي فاي وتلاقى بيقولك تعذّر الاتصال بالإنترنت هنا فى الاغلب بتكون المشكله مش فى موبايل لا دي بتكون فى الراوتر او ان النت مش واصلك على الخط وبردو عشان تتأكد هتجرب تتصل على موبايل شخص تانى .

حل مشكلة تعطل الواي فاي في الاندرويد :

لو انت اتبعت كل الخطوات الى فوق واتاكد من ان موبايلك هو اللى فيه المشكله مش الراوتر وان الموبايل هو اللى مش راضى يتصل باالانترنت وشغال فى كل مكان بس عندك على الموبايل لا فهتبدأ تتابع معايا الخطوات الجايه دى عشان تتحل معا المشكله .

اعاده تشغيل الهاتف :

ممكن يكون فعلا الحل ان الموبايل عايز يتقفل ويتفح من تانى وصدقنى فعلا انك تقفل الموبايل وتفتحه تانى دى بتحل مشاكل كتير وانا ديما بنصح فيها , جايز يكون فى تهنيج فى الموبايل ولا حاجه !!

حذف شبكة الواي فاي ثم إضافتها مرة أخرى :

الحل التانى هو انك تمسح شبكه الواي فاي من الموبايل خالص وبعدين ترجع تدخل الباسورد مره تانيه وفى الاغلب لو انت غيرت الباسورد وحاولت تشغل الانترنت مش هيشتغل وممكن للأسف فى بعض الموبايلات متظهرلكش اشغار انك لازم تدخل الباسورد الجديد عشان الانترنت يشتغل ف هتعمل اى بقا فى الحاله دى ؟ اكيد لازم تمسح الشبكه وترجع تدخلها تانى , طيب ازاى همسح الشكبه ؟؟ تابع معايا .

  1. افتح الاعدادات .
  2. روح للواي فاي WiFi .
  3. اضغط على الشبكه اللى بتواجهه المشكله فيها وافضل ضاغط عليها ضغطه مطوله .
  4. بعدين هتظهرلك شويت خيارات كدا اختار منهما نسيان الشبكه او حذف الشبكه .
  5. بعدين ارجع دخل الباسورد مرة تانيه وشوف النت هيشتغل ولا لا .

ملحوظه : الخطوات دى بتختلف من موبايل للتانى فانت لو ملقتش نفس الخطوات بالظبط عادى حاول تدور عليها او تشوف القريب من الخطوات دى واعملها .

ميزة (مساعد واي فاي) Wi-Fi Assistant :

لو منفعش معاك الحل اللى فوق فبنسبه كبيره الحل دا هينفع معاك طيب هو اى مساعد الواي فاي دا وبيعمل اى ؟؟ بص ي صاحبى لو النت عندك ضعيف دلوقتى او شبكه الواي فاي ضعيفه او الاشاره ضعيفه ف بشكل تلقائى هتلاقى ان الواي فاي فصل و اشتغل على بيانات الهاتف ودا عن طريق انك تفعل ميزه مساعة واي فاي , طيب ازاى هفعلها ؟ تعالى اقولك .

  1. هنروح للإعدادات .
  2. بعدين هدور على WiFi او بالعربى واي فاي .
  3. هتلاقى فى حاجه على طول اسمها Wi-Fi Assistant او هيكون اسمها عربى مساعد الواي فاي .
  4. كل اللى عليك دلوقتى انك تبدأ تفعلها وبعدين بشكل تلقائى هتلاقى الانترنت متصل بالبيانات وقت ما يكون الواي فاي ضعيف .
تطبيقات متسببة فى عدم اتصال الواي فاي :

طبعا كلنا عارفين ان فى تطبيقات كتير جدا مش موجوده على جوجل بلاي وفيها مميزات رهيبه جدا تخليك تستغنا تماما عن انك تحمل التطبيقات من متجر جوجل بلاي وتروح تدور عليها بره ولكن المشكله للأسف ان التطبيقات دى ممكن تعمل مشاكل كتير جدا فى الموبايل  فانت اتأكد ان التطبيقات دى مش ضاره او بتإذى الموبايل فى حاجه , ولو لقيت ان كل حاجه عندك تمام جرب كدا تلغى تثبيت شويت تطبيقات من اللى بتحميلها من بره متجر بلاي وشوف كدا هيشتغل تمام معاك ولا لا ؟ لأن حقيقى ممكن يكون السبب هو واحد من التطبيقات اللى انت مش عارف مصدرها اى .

طيب لو انت بقا مش عايز تعمل الكلام دا او ان تلقى تثبيت التطبيقات لازم تجرب تشغل الوضع الامن وتشوف هل الشبكه هتشتغل تمام معاك ولا لا لو اشتغلت تمام فكدا انت هتتأكد ان المشكله دى من التطبيقات .

طيب ازاى افتح الوضع الامن  دا على موبايلى ؟؟ والله هو فى كذا طريقه لإزاى تفتحه ولكن عشان تكون عارف ان لكل موبايل طريقه معينه فانا انصحك انك ترجع لجوجل وتكتب شرح فتح الوضع الهاتف وبعدين اسم الجهاز , ولكن انا هنا اشرحلك اشهر طريقه لإزاى تفتح الوضع الامن .

  1. اضغط على الزرار اللى بيقفل الموبايل لغايت م يظهرلك الاشعار اللى هو يقفل الموبايل ولا تعمله ريستارت ولا عايز تعمل اى .
  2. انت هتفضل لامس بإيدك على اللى بيقفل الموبايل يعنى تفضل ضاغط عليه ضغطه مطوله شويه .
  3. بعدين هيظهرلك اشعار مكتوب فيه التشغيل بواسطه الوضع الامن .
  4. انت هتضغط على نعم وان شاء الله هيشتغل معاك من غير اى مشاكل .

بس كدا ي صاحبى هو دا المضوع بتاع النهرده بتمنى تكون المشكله دى اتحلت معاك لو اتحلت من غير اى مشاكل متنساش تنزل تكتبلنا تحت فى التعليقات اى طريقه نفعت معاك ولو عندك بردو حل تانى اكتبهولنا فى التعليقات وان شاء الله هنراجع الموضوع دا من وقت للتانى ونضيف فيه حلك لو كان مناسب وشكرا ليك .

قد يهمك : نقل محادثات الواتس اب من جهاز لاخر بطريقة سهلة جدا !

تابعنا على جوجل نيوز

تعليقات (0)
إغلاق
انضم الى قناه التلجرام