العاب حروب

تحميل لعبه ايبيكس ليجيندز apex legends mobile (شرح بالفيديو) .

تحميل لعبه ايبيكس ليجيندز apex legends mobile هو عنوان مقالنا لهذا اليوم واللي بنقدملكم من خلاله واحدة من اجمل الالعاب الشبيهة للعبة ببجي وموبايل وتعتبر واحدة من اقوي العاب الباتل رويال اللي هتنزل الفترة المقبلة وهتنافس بشكل كبير ضد ببجي موبايل والعاب الباتل رويال المختلفة .

مقدمة عن لعبه ايبيكس ليجيندز apex legends mobile .

من فترة كبيرة نزلت لعبة لعبه ايبيكس ليجيندز apex legends mobile علي متجر جوجل بلاي كتسجيل مسبق وحتي الان هي مازالت تسجيل كسبق لكن الشركة المطورة للعبة بعتت لمجموعة من اوائل الناس اللي عملت تسجيل مسبق من خلال متجر جوجل بلاي عشان يحملوا اللعبة ويجربوها وكنا من الناس المحظوظة اللي حصلت علي فرصة لتجربة اللعبة وكمان عملنا شرح بالفيديو فيه تفصيل لكل حاجة في اللعبة مميزاتها وعيوبها وهي تستاهل الضجة اللي حصلت عليها ولا لا فلو انت مهتم بـلعبه ايبيكس ليجيندز تابع معايا المقال ده للنهاية .

معلومات لعبه ايبيكس ليجيندز apex legends mobile .

اسم اللعبة apex legends mobile
نوع اللعبة العاب حروب
حجم اللعبة 2.5 جيجا
الشركة المطورة للعبة ELECTRONIC ARTS
الاصدار الرسمي من متجر جوجل بلاي (تسجيل مسبق)

تعتبر لعبه ايبيكس ليجيندز من الالعاب التي سوف يتم اصدارها قريبا وبشكل رسمي علي متجر جوجل بلاي وده بسبب ان الشركة المطورة للعبة بدأت فعلا في ارسال دعوات لبعض الاشخاص اللي قاموا بعمل تسجيل مسبق من خلال متجر جوجل بلاي وعادة بيتم نزول اللعبة بشكل رسمي علي المتجر خلال اسبوع او اقل من وقت ارسال الدعوات لبعض الاشخاص لتجربة الاول كاستخدام للمنتج قبل اطلاقه .

اللعبة للاسف مافيش اي معلومات تفصيلية عنها في الوقت الحالي وده لانها مازالت تحت التسجيل المسبق لكن قدرنا نوصل لبعض المعلومات من خلال الاشخاص اللي حملوا اللعبة من خلال الدوعوات اللي بعتتها ليهم شركة ELECTRONIC ARTS المنتجة والمطورة للعبة ايبيكس ليجيندز زي مثلا ان حجم اللعبة من المتجر حوالي 2.5 جيجا وبتحمل شوية ملفات اول مبتدخل للعبة حوالي 1 جيجا كمان يعني الاجمالي هيكون حوالي 3 جيجا ونص وده مع انه حجم كبير نسبيا لكنه بالنسلة للعبة باتل رويال اونلاين فهو ولا حاجة وده لان لعبة مثلا زي ببجي موبايل وصلت حاليا لاكتر من 9 جيجا كمثال يعني .

قصة لعبة ايبيكس ليجيندز apex legends mobile .

لعبة ايبيكس ليجيندز زي زي غالبية العاب الباتل رويال واللي هو باختصار انك تفضل عايش لاخر واحد في الخريطة عشان تكسب بغض النظر عن عدد الكيلات اللي هتعملها وده النظام المتبع في كل العاب الباتل رويال سواء القديمة او الجديدة زي ببجي موبايل او فري فاير وغيرهم .

هنا بقي لعبة ايبيكس ليجيندز عاملة زي تشكيلة كدة مابين مجموعة متنوعة من العاب الباتل رويال يعني مثلا هتلاقيها واخدة حاجات من ببجي موبايل وواخدة من حاجات من اوميجا ليجيند لو انت لعبت اوميجا ليجند هتحس كدة في بعض الاوقات بتشابه كبير بينها وبين لعبة ايبيكس ليجيندز زي التطور التكنولجي اللي هتحسه في الجيرافيك بتاع اللعبة واما من ناحية ببجي موبايل فهتلاحظ مثلا وجود زرار الزحلقة بس الجديد هنا بقي ان الزحلقة موجودة معاك في الجيم الكلاسيك العادي .

المهم يا صديقي انه مع دخولك لعبة ايبيكس ليجيندز وبعد تحميل الملفات المطلوبة لتشغيل اللعبة هتلاحظ ان اللعبة بدأت معاك برنامج تدريبي من منظور الشخص الاول عشان تفهمك ازاي تتحرك وازاي تضرب وغيرها من التدريبات المختلفة عشان يبقي عندك فكرة ولو بسيطة عن اللعبة .

مميزات لعبة ايبيكس ليجيندز apex legends mobile .

  • منافس قوي للعبة ببجي موبايل وباقي العاب الباتل رويال .
  • جيرافيك قوي ومميز واصوات نقية وحصرية للعبة .
  • امكانية تغيير اماكن ازرار التحكم عشان تقدر تستخدم اكتر من صباعين (تلاتة او اربعة او اكتر) حسب تعودك .
  • امكانية التعديل علي حساسية السكوبات والكاميرا .
  • عدم وجود زرار البرون يعني اخيرا مش هتلاقي كمبورة نايم في الشعب ويغفلك وانت معدي .
  • حجم صغير نسبيا بالنسبة لباقي العاب الباتل رويال الموجودة حاليا .
  • وجود ميزة الجيروسكوب مع امكانية التعديل علي الحساسية الخاصة به .
  • امكانية تشغيل اللعبة علي منظور الشخص الاول او الشخص الثالث .
  • والكثير من المميزات المختلفة التي سوف تكتشفها بنفسك يا صديقي .

شرح لعبة ايبيكس ليجيندز apex legends mobile بالفيديو .

لو انت من الناس الي مبتحبش تقرا مقالات ولا تتعب نفسها فاكيد احنا عاملين حسابك يا صديقي وتم عمل فيديو مخصص لشرح لعبة ايبيكس ليجيندز وطريقة لعبها والتميز فيها .

بعض الصور من داخل لعبة ايبيكس ليجيندز apex legends mobile .

تحميل لعبه ايبيكس ليجيندز apex legends mobile (شرح بالفيديو) .
تحميل لعبه ايبيكس ليجيندز apex legends mobile (شرح بالفيديو) .

روابط تحميل لعبة ايبيكس ليجيندز apex legends mobile .

فيديو مقترح من قناتنا علي اليوتيوب

بلغ عن رابط لا يعمل او مشكلة تواجهها

وبكدة يا اصدقائي نكون وصلنا لنهاية مقال اليوم بخصوص تحميل لعبه ايبيكس ليجيندز apex legends mobile (شرح بالفيديو) ، اذا واجهتك اي مشكلة يمكنك التواصل معنا عبر التعليقات .

مقالات مميزة أكيد هتعجبك .

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى