ابحث في الموقع

تابعنا على جوجل نيوز

10 طرق يستخدمها الهكر فى اختراق جهازك (لاب توب + موبايل)

10 طرق يستخدمها الهكر فى اختراق جهازك (لاب توب + موبايل)
2/5 - (1 صوت واحد)

هل يمكن اختراق كاميرا الموبايل (اندرويد + ايفون) واللاب توب ؟كيفية الحمايه من الاختراق والتجسس ؟ كيف تعرف إذا تم اختراقك؟ هل ممكن الهكر يوصل لكاميرا اللاب توب بتاعى ويتجسس عليا ويعرف انا بعمل اى ؟ وليه بنسمع عن ناس بتلزق استيكر على كاميرا اللاب توب؟

وليه لما احنا بنلزش استيرك على كاميرا اللاب توب مش بنزلق على الموبايل مع العلم ان بردو ممكن يخترقه؟ , ايه الصح من الحاجات دى واى الغلط ؟واايه اللى الواحد ممكن يعمله عشان يحافظ على امان اجهزته ( الموبايل والكمبيوتر) ومحدش يقدر يخترقها ؟ كل دا واكتر هعرفه فى مقال النهردة .

اولا : خلينا نبدأ الاول بإن احنا نعرف المعلومات دى كلها عن طريق اللاب توب وازاى ممكن الهكر يخترقنى وإزاى احمى نفسى من الهكر دا.

هل يمكن اختراق كاميرا اللاب توب؟

اكيد هعرفك الاجابه بس استنا عليها شويه لازم اقولك شويت معلومات مهمه جدا .

ما هو مستوى أمان كاميرا اللابتوب؟

موقع “تشيب دوت دي إي” الألماني المختص بالتقنية ان لو الكمبيوتر بتاعك اتصاب بفيروس معين ممكن تفقد السيطره على جهازك , لكن الفيروسات الحديثه مش هدفها انها تدمر جهازك اوتبوظه بل الهدف منها هو التلصص وسرقه بياناتك الشخصيه واللى منها ممكن الشخص يعرف يوصل لكامير اللاب توب او الكاميرا اللى بتوصلها عن طريق سلك USB إلى امور تانيه يقدر الهكر انه يوصله بادوات سهله وبسيطه.

هل ممكن الهاكر يقدر يوصل لكاميرا الكمبيوتر الخاصه بيك ؟

لو تم اختراق جهاز الكمبيوتر بتاعك بيقدر الهكر يرفع مستوى الصلاحيه بحيث يكون ليه الصلاحيه الكامله فى انه يتحكم فى جهازك تحكم كامل زى إنه يقدر يفتح المايك ويسجل تسجيل صوتى ليك ولكل اللى حواليك.

كمان يقدر يفتح الكاميرا ويشوفك انت بتعمل اى ويعرف مين صاحب الجهاز وبردو ممكن يصورك صوت وصوره وانت فاتح اللاب بتاعك.

يقدر يشوف ايه المواقع اللى انت بتفتحها وبتتصفحها , وكذلك يعرف ايه الملفات اللى موجوده على جهاز الكمبيوتر بتاعك وبالتالى يقدر انه يحملها على جهازه وإن كانت صور شخصيه او عائلية بالتالى هيقدر انه يهددك بيها.

وبردو هيقدر يوصل للأكاونتات بتاعك لو كانت متسجله على المتصفح او لو انت حاولت انك تكتبها وهو كان شايفك دا غير انه كمان يقدر يعرف كل حاجه انت كتبتها على الكيبورد.

كل الحاجات دى واكتر الهكر يقدر يعملها لو قدر انه يخترق جهازك الكمبيوتر بتاعك وإن شاء الله هنحاول نعرضلك فى المقال دا مجموعه طرق لحمايتك من الهاكر.

هتيجى تقولى طيب انا كاميرا اللاب توب عندى مش بتشتغل غير لو فى لمبه فلاش اشتغلت معاها ومن هنا طبعا لو فى هكر حاول يخترقنى هعرف انه بيفتح الكاميرا لو اللمبه دى اشتغلت وبالتالى مش هيعرف يخترقنى.

قد يهمك : كيفية حماية الواتس اب من الاختراق

لو كاميرا اللاب بتاعى بتشتغل بفلاش هل هيقدر يخترقنى الهاكر بردو؟

للأسف الهكر زى ما قلتلك قبل كدا ليه تحكم كامل فى الكمبيوتر وبالتالى لو الهكر ذكى هيكون واخد باله كويس من ان الكاميرا ممكن مش بتشتغل من غير فلاش وبالتالى هيقدر يفصل الفلاش دا ويشغل الكامير من غير ضوء الفلاش ميشتغل اصلا.

طيب احنا عرفنا ان الهكر دا بيكون عباره عن فيروس هدفه هو سرقه بياناتك الشخصيه بيه ازاى بقا الهكر بيقدر يدخل الفايروس دا على جهاز الكمبيوتر بتاعى؟

كيف يتم اختراق جهاز الكمبيوتر الخاص بك؟!

فى طرق كتير جدا ممكن الهاكر يستخدمها فى انه يخترق جهازك منها طرق احنا عارفينا وطرق تانيه ممكن متكنش معروفه بالنسبالك فتعالى نعرف مع بعض كيف يتم اختراق جهاز الكمبيوتر الخاص بك؟!.

  1. اغلب الطرق اللى الهكر بيستخدمها فى الاختراق هو عن طريق انه يبعتلك ملف , الملف دا بيكون مدج معاه فايروس , يمكن يكون الملف دا عباره عن صوره او برنامج مطلوب وناس كتير بدور عليه وهو يوفرهولك ولكن يدمجلك معاه ملف الفايروس اللى هيقدر من خلاله يخترقك بيه.
  2. يمكن تكون ملف كراك لتفعيل البرامج بطريقه غير شرعيه وممكن يكون ملف الكراك دا ملف مهكر.
  3. يمكن تكون صوره لشخص انت بدور عليها والشخص يبعتهالك ولكن بردو مدموج معاها ملف الفايروس الى اتكلمنا عنه.
  4. الطريقه الربعه دى طريقه منتشره جدا الفتره دى ويمكن انت سمعت عنها كتير وهيا طريقه اختراق قنوات اليوتيوب واللى بتكون عباره عن شخص بيطلب منك اعلان لبرنامج ما وصاحب قناه اليوتيوب بيحاول يجرب البرنامج ولكن بيكون البرنامج مدمج معاه فايروس بيقدر من خلاله الهكر يدخل على جهاز الكمبيوتر بتاعك وبالتالى يسرق كل حساباتك بما فيها حساب قنات اليوتيوب .
  5. يمكن يكون الاختراق كمان عن طريق روابط مجرد دخولك عليها كدا كل سنه وانت طيب تم الاختراق ي كبير
  6. يمكن يكون الاختراق بزيرو كليك يعنى من غير حتى ما تفتح الرابط او تضغط عليه ودا نظام اختراق اسرئيلى اسمه ” بيجاسوس “.

كيفية حمايه قنوات اليوتيوب من الاختراق والسرقه؟

طيب لو انا عندى قناه على اليوتيوب وفى شخص يبعتلى يعمل عندى اعلان , وبالفعل بيكون الاعلان دا بفلوس نوعا ما كويسه وهاخد منه ولنفترض مبلغ 100 دولار العرض بيكون مغرى وفى نفس الوقت انت خايف وممكن دا يخليك ترفض الاعلانات بسبب خوفك على قناتك او بياناتك الشخصيه عشان متتسرقش.

وهنا انا بنصحك انك لازم يكون عندك جهاز كمبيوتر تانى معلهوش اى بيانات ليك نهائى ولكن هدفك منه هو انك تجرب عليه البرامج دى عشان خاطر مترفضش الاعلانات وبردو زى ما هيكون عندك جهاز كمبيوتر لازم يكون عندك موبايل تانى عشان تجرب عليه التطبيقات ومتكنش خايف على ملفاتك الشخصيه انها تتسرق

ازاى تعرف ان جهاز الكمبيوتر بتاعك مخترق؟ كيف اعرف ان جهازي مخترق ويندوز 10

الطريقة الاولى عشان تعرف ان جهاز الكمبيوتر بتاعك مش مخترق بالاخص ويندوز 10 هيا انك تتبع الخطوات اللى هقولك عليها دلوقتى :-

  • من شريط المهام اضغط على Start بعدين ابحث عن RUN وافتحها او اضغط على زرار win+R.
  • هتظهرلك نافذه بحجم صغير اكتب فيها كلمه CMD والصفحه دى وظيفيتها هيا انك تبحث عن اعطال الكمبيوتر.
كيف اعرف ان جهازي مخترق ويندوز 10
  • هتظهرلك نافذة لونها اسود هنكتب فيها كود ” dir patch ” ولازم تكتب الكود زى ما هو بالمسافات ومن غير متكبر اى حرف وبعدين اضغط على Entar.
  • هيظهرلك كذا سطر من ضمن اللى هيظهرلك هتظهر جمله File not found واللى معناها ان الكمبيوتر بتاعك مش مخترق ولا مهكر .
هل يمكن اختراق كاميرا الموبايل واللاب توب؟ كيفية الحماية!!
  • اما فى حاله وجود كلمه غير File not found فدا معناه ان الكمبيوتر مخترق وهيذكرلك اسم باتش الاختراق واللى انت المفروض هتاخد الاسم دا , وتروح على ملفات الكمبيوتر وتبدا تدور على الباتش دا وتمسحه.
  • ويفضلك انك تنزل ويندوز جديد عشان الاختراق تتاكد انه راح نهائى.

الطريقة الثانية لمعرفة اذا كان جهازي ويندوز 10 مخترق

  • من شريط المهام اضغط على Start بعدين ابحث عن RUN وافتحها او اضغط على زرار win+R.
  • هتظهرلك نافذه بحجم صغير اكتب فيها كلمه system.ini بعدين اضغط على زر Enter .
  • بعدين هتظهرلك صفحه موجود فيها بعض العبارات وفى السطر قبل الاخير هتلاقى عباره ” timer=timer.drv ” ودى اللى معناها ان جهازك سليم ومفيش فيه اى فايروسات او برامج ضاره او اختراق.

اما فى حاله وجدت السطر قبل الاخير متغير عن الصوره فدا معناه ان ممكن جهازك يكون مخترق.

كيفية اخراج الهكر من جهاز الكمبيوتر الخاص بك؟

لازم تعرف الاول ان الهكر دا ميقدرش يوصل للكمبيوتر بتاعك غير لو فى حاجه مشتركه تقدر تربطك بيه وطبعا كلنا عندنا الحاجه المشتركه دى وهيا الانترنت.

فأول حاجه تعملها اول ما تحس ان الهكر قدر يوصلك هيا انك توقف الانترنت عن اللاب بتاعك عن طريق انك تقفل الواي فاي او لو كنت متصل بسلك نت تفصل سلك النت وممكن بردو انك تطفى جهاز الراوتر عشان تمنع دخول الواي فاي تمام على جهازك.

لو انت اتبعت الطريقه الاولى عشان تعرف جهازك مخترق ولا لا (اللى لسه شارحينها من شويه فوق)وظهرلك اسم الباتش اللى من خلاله تعرف ان الشخص دا مخترق جهازك بتبدا انك تدور على اسم الباتش دا فى ملفات الكمبيوتر بتاعك واللى تقريبا بيكون فى فولدر C , وممكن طبعا انك تستعين بالبحث اللى موجود فوق على اليمين عشان تقدر تدور عليه بسهولة , ومجرد انك توصل لملف الباتش دا هتمسحه على طول , ويفضل بعد العمليه دى انك تنزل ويندوز جديد.

او ممكن بدل ما تدور وتتعب نفسك انك تحمل برنامج لكشف البرامج الضاره والفايروسات وانا بنصحك ببرامج malwarebytes لان بصراحه البرنامج جميل جدا وممكن تستخدمه بشكل مجانى لمده 15 يوم ودا وقت كويس جدا تشيل بيه الهكر من جهازك

تقدر تحمل البرنامج من اللينك التالى واللى هيوديك على موقع الرسمى للتطبيق وتبدا انك تحمله بشكل مجانى عن طريق انك تضغط على free download.

رابط تحميل malwarebytes

كيفية حماية كاميرا اللاب توب من الاختراق؟

اكتر حاجه فعلا ممكن تعملها عشان تحافظ على خصوصياتك وتتاكد ان مفيش حد يقدر فتح الكاميرا الخاصه بيك على اللاب توب هيا انك تغطى عدسه الكاميرا بشريط لاصق .

والبديل عن الحل دا هو انك توقف عمل الكاميرا بشكل نهائى ودا هتعمله ازاى؟

لو انت من مستخدمى نظام التشغيل ويندوز فهتتبع الخطوات دى :

  • من شريط المهام اضغط على Start بعدين ابحث عن RUN وافتحها او اضغط على زرار win+R.
  • اكتب فيها devmgmt.msc بعدين اضغط entar , هتظهرلك شاشه إداره الأجهزة
  • هتبدأ تبحث فيها عن ” camera ” ولو مكنتش بتستخدمها يفضل تعملها مسح بشكل نهائى عن طريق انك تضغط عليها كلك يمين وتختار uninstall

الاختراق فى الهواتف المحمولة

بيقول الخبير الرقمى انطون كوكانوف فى مقابله صحفيه “الطريقه الوحيده اللى ممكن لجه خارجيه التجسس على كامير الهاتف الذكي هى عن طريق الفيروسات الرقميه او التطبيقات الخبيثه اللى بيتم تحميلها على الموبايل وبالتالى اللى هيقدر يستخدم الفيروسات او التطبيقات الخبيثه هيقدر يسيطر على الكاميرا او انه يلتقط ليك صور وفيديوهات ويبتزك بيها”

وعشان التطبيقات دى متتجسس على موبايلك فلازم تعمل شويت خطوات مهمه سواء كان لاجهزه الاندرويد او الايفون.

قد يهمك: افضل برامج حماية الهاتف من الفيروسات 2022

كيفية حمايه اجهزه الاندرويد من الاختراق والهاكر؟

  • لو كان جهازك اندرويد فانت هتدخل على إعدادات الهاتف.
  • وبعدها “التطبيقات والاشعارات”.
  • وبعدين خيار “أذونات الوصل للتطبيقات”.
  • وبعدين من هنا تتاكد ان التطبيقات المشكوك بأمرها معندهوش الصلاحيه للوصول للكاميرا و الملفات بتاعتك

اجهزه الاندرويد اللى بتشتغل بنظام اندرويد 12 حاليا واللى هيكون اعلى بعد كدا ان شاء الله , ضافت ميزه قويه جدا بتقدر تنبهك لو فى اى تطبيق بيحاول يفتح الكاميرا بتاعتك او الميكروفون , حتى انت شخصيا لو حاولت انك تفتح كاميرا اى تطبيق هيجيلك اشعار صغير كدا بينبهك ان الكاميرا فى التطبيق دا اتفتحت , وكذلك الميكروفون وبالتالى لو فى اى تطبيق ضار من وراك حاول يفتح الكاميرا او الميكرفون هتعرفك الميزه دى لانها ديما بتظهرلك فى الشاشه فى الجزء العلوى على اليمين , بحيث انك هتشوف ايقوه الكاميرا او الميكروفون فى حاله تشغيلهم ولو حاولت انك تضغك عليها هيجيلك تطبيق كذا فاتح الكاميرا عندك او الميكروفون وتقدر انك توقفها بمجرد الضغط عليها.

وهنا بقا ي صاحبى لو انت فكرت تشترى جهاز موبايل جديد بنظام الاندرويد اتاكد ان الاندرويد بتاعه ميكنش اقل من اندرويد 12 عشان الميزه دى بتديلك امان اكبر.

كيفية حمايه اجهزة الايفون من الاختراق والهاكر؟

اما بالنسبه لاجهزه الايفون فممكن تتاكد من انك تدخل على الاعدادات بردو وتشوف الخصوصيه ومنها هتقدر توصل للصلاحيات والتطبيقات ولكن خلينا متفقين ديما ان انظمه Ios أكثر أمانا من الاندرويد.

واللى بينصحك بيه الخبراء واصحاب الهواتف الذكيه انك ديما تحمل برامج واحد على الاقل لمكافحه الفايروسات عشان يحميك من البرامج الضاره وبنصحك بتطبيق ( افاست)

تحميل افاست للاندرويد تحميل افاست للايفون

بردو فى نقطه مهمه عايز اتكلم معاك فيها انت مش اى تطبيق يطلب منك صلاحيات تديهاله يعنى مثلا انا محمل تطبيق بيظهرلى جهات الاتصال فيطلب منى صلاحيه الدخول للكاميرا اديهاله!! , اكيد طبعا لا لان هو التطبيق دا هيستفاد اى من دخوله للكاميرا!!

قد يهمك : طرق معرفة اختراق الهاتف وأهم 3 نصائح لحماية هواتف أندرويد 

لهنا ي صاحبى نكون وصلنا لنهايه المقال متنساش بقا لو المقال دا عجبك تنشره مع صحابك عشان يستفيد من المعلومات القيمه اللى فى المقال.

وطبعا لو انت عندك اى استفسار او حابب تضيف حاجه للمقال دا تقدر تسيبها تحت فى قسم التعليقات بحيث اللى يشوف المقال بعدك يستفيد من تجربتك.

تعليقات (1)
  • غير معروف منذ سنة واحدة رد

    Lllllllllllt

إغلاق
انضم الى قناه التلجرام
اشترك معنا نعم لا