واخيرا وبعد طول انتظار بتنزل النسخة الالفا من لعبة Battlefield Mobile للاندرويد وشركة الكترونيك ارتس بتدينا الفرصة اننا نجرب اللعبة المنتظرة والمميزة جدا لعبة Battlefield Mobile للاندرويد ، النسخة المتوفرة حاليا هي النسخة الالفا ولو مش فاهم يعني ايه الفا فدي النسخة الخام من اللعبة يعني حتي النسخة اللي بتنزل قبل النسخة التجريبة اللي بيتم اختبار مشاكل اللعبة من خلالها وعشان كدة يا اصدقائي هنلاحظ ان حجم اللعبة صغير جدا مقارنة بلعبة بشهرة لعبة Battlefield Mobile للاندرويد يعني ملف APK اقل من 100 ميجا ومع الملفات اللي اللعبة هتحملها لما تفتحها هتوصل لحوالي 400 ميجا فقط .
تحميل لعبة Battlefield Mobile للاندرويد – باتل فيلد موبايل .
طبعا يا اصحابي زي مقولنا في مقدمة المقال ان اللعبة متوفرة حاليا بالنسخة الخام واللي اسمها نسخة الفا وعشان كدة هنلاحظ ان اللعبة مش نفس الاصدار اللي كان علي الكمبيوتر وناقصه خرايط كتير زي خريطة الصحراء والسنايبر كمان مش موجود وغالبا يا اصحابي شركة الكترونيك ارتس منزلة الاصدار مخصوص عشان تعمل اثارة وتشويق للناس اللي منتظرين اللعبة .
معلومات لعبة Battlefield Mobile للاندرويد – باتل فيلد موبايل .
لعبة Battlefield تعتبر واحدة من اشهر العاب القتال اللي ليها تاريخ حافل بالاصدارات واللعبة من انتاج وتطوير شركة سويدية اسمها ديجيتال إلوجينز سي إي لكن لما قرروا ينشروا اللعبة اعتمدوا في النشر علي الشركة العملاقة الكترونيك ارتس ولو متعرفهاش فهي صاحبة مجموعة من اقوي الالعاب زي فيفا مثلا .
لعبة Battlefield تم اصدارها لاول مرة سنة 2002 وكانت متوفرة لاجهزة الكمبيوتر فقط لغاية اصدار سنة 2005 وكانت انطلاقة اللعبة علي البلايستيشن 2 والاكس بوكس وبعدين في اصدار 2008 تم اصدار خاص بالبلايستيشن 3 وفي 2013 تم اصدار نسخة مخصصة للبلايستيشن 4 واخيرا في 2021 تم نزول الاصدار المنتظر لهواتف الاندوريد ولكن لسه باصدار الالفا اللي هو الاصدار الاخير ماقبل الاصدار التجريبي .
طبعا يا اصحابي الجيرافيك بتاع اصدار الالفا سواء في لعبة باتل فيلد موبايل او اي لعبة غيرها بيكون ضعيف او مش بالشكل المنتظر بالذات من الالعاب المشهورة وده بسبب ان دايما الاصدار الالفا بيكون حجمه صغير وناقص ملفات كتير جدا وفي العاب الحروب بيكون ناقص خرايط واسلحة كتير وبيكون مجرد محاولة من الشركة المنتجة زيادة تشويق واثارة الناس اللي منتظرة اللعبة .
لعبة Battlefield Mobile للاندرويد من اجمل الالعاب المتظرة بالاصدار الرسمي الخاص بيها وهي من اجمل العاب القتال بمنظور الشخص الاول وفي الجزئية دي هي شبيهة للعبة call of duty اللي بتتلعب من منظور الشخص الاول فقط علي عكس لعبة ببجي موبايل اللي بتديك فرصة لتجربة اللعبة علي المنظورين سواء منظور الشخص الاول او منظور الشخص الثالث .
قصة لعبة Battlefield Mobile للاندرويد – باتل فيلد موبايل .
قصة اللعبة شبيهة جدا لحاجة موجودة في لعبة ببجي موبايل وهو مود السيطرة الموجود في خرابط المستودع واللي هو عبارة عن مجموعة من النقاط المحددة علي الخريطة والفريق اللي يقدر يسيطر لوقت اطول علي النقطة المحددة هو اللي بيكسب لكن هنا في باتل فيلد موبايل بيخيرك بين مجموعة من المهمات زي انك تكون مثلا اللي بيعمل ريفايف لاصدقائك اللي بيتصابوا او تكون السنايبر او المهاجم يعني كل واحد في الفريق ليه تخصص محدد .
التحكم في لعبة Battlefield Mobile للاندرويد – باتل فيلد موبايل .
هنتكلم شوية عن ازرار التحكم في لعبة باتل فيلد موبايل واللي بالمناسبة شبيهة جدا جدا لغالبية العاب الحروب المشهورة زي ببجي موبايل وفري فاير سواء كانت التحكم في الشخصية او التحكم في المركبات وده هوضحه من خلال الصور التالية .
طبعا يا اصدقائي زي مشوفنا كدة من خلال الصور سواء للتحكم في الشخصية الاساسية او التحكم في المركبات الموضوع سلس وبسيط متوفر معاك 2 زرار للضرب واحد يمين وواحد شمال ومتوفر معاك زرار القفز او الكروش وطبعا متوفر معاك السكوب اما التحكم في المركبات فهو شبيه للتحكم في مركبات ببجي موبايل وباقي العاب القتال الاخري .
روابط تحميل لعبة Battlefield Mobile للاندرويد .
طبعا يا اصدقائي الاصدار الموجود حاليا علي متجر جوجل بلاي مخصص لدولتين فقط وهما دولة الفلبين واندونيسيا وبالتالي عشان تحمل الاصدار الموجود علي المتجر فانت محتاج في بي ان وتغير الاي بي بتاعك لوحدة من الدولتين دول عشان تقدر تحملها من المتجر لكن احنا هنوفر ليك رابط تحمل للعبة من خارج المتجر عشان لو مقدرتش توصل لتطبيق في بي ان للفلبين او اندونيسيا .
وبكدة يا اصدقائي نكون وصلنا لنهاية مقال بخصوص تحميل لعبة Battlefield Mobile للاندرويد – باتل فيلد موبايل ، اذا واجهتك اي مشكلة يمكنك التواصل معنا عبر التعليقات .
